"Ta'lim va taraqqiyot" ilmiy-uslubiy jurnali 2025-yil 6-soni

Yuklab olish Annotatsiya ›

---

Annotatsiya

Мазкур мақолада рус гуманистик адабиётида шахснинг жамият олдидаги масъулияти муаммоси тадқиқ этилади. Тадқиқотнинг асосий мақсади рус гуманист ёзувчилари асарларида инсоннинг ижтимоий ва маънавий масъулияти қандай талқин этилганини аниқлашдан иборат. Тадқиқот жараёнида адабиётшунослик таҳлили, қиёсий-типологик ва тарихий-маданий методлар қўлланилди. Таҳлил натижасида гуманистик анъанада масъулият шахснинг ички ахлоқий категорияси сифатида қаралиши, у эркин танлов, виждон ва ўз хатти-ҳаракатлари оқибатларини англаш билан боғлиқ экани аниқланди. Достоевский, Толстой ва Горький асарларида жамият тақдири учун жавобгар бўлган маънавий баркамол шахс образи яратилади. Хулоса сифатида рус гуманистик адабиётининг тарбиявий аҳамияти катта экани таъкидланади.

Yuklab olish Annotatsiya ›

---

Annotatsiya

Maqolada maktab texnologiya darslarida o'quvchilarning ekologik bilimlarini rivojlantirish masalalari ko'rib chiqiladi. Bugungi kunda umumta'lim maktablari o'quvchilariga ekologik ta'lim berish usullari taqdim etilgan. Texnologiya darslarida ekologik ta'lim va tarbiyani amalga oshirish bo'yicha ko'rsatmalar va tavsiyalar taqdim etilgan.

Yuklab olish Annotatsiya ›

---

Annotatsiya

Ushbu maqolada har bir murabbiy, komillik targ‘ibotchisi ta’lim-tarbiya jarayonini to‘g‘ri tashkil qilishga, sog‘lom ijtimoiy muhitni yaratib berishga, mas’uliyatli vazifalarni vijdonan bajarishi lozimligi haqida ma’lumot beriladi.

Yuklab olish Annotatsiya ›

---

Annotatsiya

Mazkur maqolada ayrim xususiy hosilali differensial tenglamalarning (XHDT) aniq yechimlarini topish va ularni tahlil qilish masalalari o‘rganiladi. Tadqiqot jarayonida birinchi va ikkinchi tartibli xususiy hosilali differensial tenglamalar uchun klassik yechish usullari — ajratish usuli, xarakteristikalar usuli hamda Furye usulidan foydalanildi. Olingan aniq yechimlarning matematik modellashtirishda, fizik jarayonlarni tavsiflashda va muhandislik masalalarini hal etishdagi ahamiyati asoslab berildi.

Yuklab olish Annotatsiya ›

---

Annotatsiya

Mazkur maqolada raqamli texnologiyalar va sun’iy intellektning jamiyat hamda iqtisodiyotni raqamli transformatsiya qilishdagi o‘rni tahlil qilinadi. Raqamli texnologiyalar axborotni raqamlashtirilgan formatda saqlash va uzatishga asoslanib, boshqaruv jarayonlarini samarali tashkil etish imkonini beradi. Sun’iy intellekt esa nutq va vizual aniqlash, analitik qarorlar qabul qilish, murakkab mantiqiy operatsiyalar hamda bashorat qilish kabi inson kognitiv qobiliyatlariga xos vazifalarni avtomatlashtiradi. Maqolada algoritmik boshqaruvni joriy etishda raqamli etika tamoyillarini qo‘llash, shaffoflik va javobgarlikni ta’minlash hamda jamoat ishonchini mustahkamlash masalalari ilmiy jihatdan yoritiladi.

Yuklab olish Annotatsiya ›

---

Annotatsiya

Ushbu maqolada maktabgacha ta’lim tashkilotlarida pedagoglarning kasbiy kompetentligini shakllantirishning ahamiyati va asosiy omillari tahlil qilingan. Shuningdek, pedagoglarning kasbiy kompetentlik darajasini oshirish uchun zarur bo‘lgan metodik yondoshuvlar, amaliyotlar va ta'lim jarayonini takomillashtirish usullarini ko‘rsatib berishdir. Maktabgacha ta’lim tashkilotining samarali ishlashi, tarbiyachilarning kasbiy malakasi va kompetentligiga to‘g‘ridan-to‘g‘ri bog‘liq. Maqolada pedagoglarning kompetentligini shakllantirishda o‘quv dasturlari, malaka oshirish, amaliyot va tajriba almashish, pedagogik nazorat va psixologik qo‘llab-quvvatlash kabi omillar o‘rganilgan.

Yuklab olish Annotatsiya ›

---

Annotatsiya

Mazkur maqola biologiya fanini o‘qitishda hamkorlikda ishlash texnologiyalari asosida o‘quvchilarning bilim, ko‘nikma va kompetensiyalarini faollashtirishga qaratilgan.Maqolada Learning Together va Student Team Learning modellari, shuningdek Jigsaw, Think–Pair–Share, Group Investigation va Peer Teaching metodlari qo‘llanilib, o‘quvchilarning jamoada ishlash, muloqot, muammoli vaziyatlarni hal qilish hamda tahliliy fikrlash ko‘nikmalari shakllantiriladi. O‘rmon va suv ekotizimlari misolida oddiy va murakkab oziq zanjirlari o‘rganilib, bir organizm yo‘qolishining ekologik muvozanatga ta’siri muhokama qilinadi. Hamkorlik texnologiyasidan foydalanib, o'quvchining ta'lim-tarbiya olish motivlarini rivojlantirib borish hamda o'quv-tarbiya jarayonini insonparvarlashtirish tamoyillarini amalga tatbiq qilgan holda yuqori natijalarga erishishni ta'minlashning omillari ko'rsatilgan

Yuklab olish Annotatsiya ›

---

Annotatsiya

Mazkur maqolada matematika fanini o‘qitishda kreativ yondashuvlar asosida o‘quvchilarning tadqiqotchilik salohiyatini shakllantirishning nazariy-metodik asoslari tahlil qilinadi. Tadqiqot doirasida muammo asosida o‘qitish, mantiqiy va matnli masalalar orqali fikrlashni rivojlantirish mexanizmlari ochib beriladi. Matematik masalalarni kreativ yechish jarayonida o‘quvchilarda ilmiy taxmin ilgari surish, mantiqiy xulosa chiqarish va natijalarni asoslash kompetensiyalarining shakllanishi isbotlanadi. Tadqiqot natijalari kreativ yondashuvlar tadqiqotchilik faoliyatining muhim omili ekanini ko‘rsatadi.

Yuklab olish Annotatsiya ›

---

Annotatsiya

Ushbu maqolada virtual laboratoriyalarning ta’lim tizimidagi o‘rni va ahamiyati tahlil qilingan. Virtual laboratoriyalar zamonaviy texnologiyalar yordamida yaratilgan interaktiv muhit bo‘lib, ular o‘quvchilarga amaliy tajribalarni xavfsiz va qulay sharoitda o‘tkazish imkonini beradi. Ushbu laboratoriyalar eksperimentlar o‘tkazish, natijalarni tahlil qilish va an’anaviy laboratoriya ishlarini simulyatsiya qilish uchun muhim vosita hisoblangan.Virtual laboratoriyalar ilmiy ta’lim jarayonini yanada innovatsion va samarali qilish bilan birga, o‘quvchilarning fanlarga bo‘lgan qiziqishini oshirish hamda interaktiv o‘rganish usullarini kengaytirishga xizmat qiladi.

Yuklab olish Annotatsiya ›

---

Annotatsiya

Mazkur maqolada fizika fanini o‘qitishda ehtimoliy-statistik g‘oyalarning shakllanishi, tarixiy rivojlanish bosqichlari va ularning zamonaviy ta’lim jarayonidagi didaktik ahamiyati tahlil qilinadi. Klassik mexanikadan statistik fizika va kvant mexanikasigacha bo‘lgan davrda ehtimollik tushunchalarining fizika mazmuniga kirib kelishi yoritiladi. Tadqiqotda nazariy-tahliliy va qiyosiy metodlardan foydalanilgan. Natijalar ehtimoliy-statistik yondashuv fizika ta’limida mantiqiy tafakkurni rivojlantirish va murakkab hodisalarni anglashda muhim vosita ekanligini ko‘rsatadi.