"Ta'lim va taraqqiyot" ilmiy-uslubiy jurnali 2025-yil 6-soni

Yuklab olish Annotatsiya ›

---

Annotatsiya

Ushbu maqolada gidrodinamika jarayonlarini matematik modellashtirishda differensial tenglamalarning tutgan o‘rni ilmiy-nazariy jihatdan tahlil qilinadi. Suyuqlik va gazlarning harakat qonuniyatlari Nyutonning ikkinchi qonuni, massa saqlanishi va energiya saqlanishi tamoyillaridan kelib chiqib, differensial tenglamalar orqali ifodalanadi. Ayniqsa, Navye–Stoks tenglamalari, Eyler tenglamalari, uzluksizlik tenglamasi kabi asosiy model tenglamalar gidrodinamikani tushunishning markazida turadi. Gidrodinamik jarayonlarni tahlil qilishda analitik yechimlar bilan bir qatorda sonli usullar, kompyuter modellari va hisoblash gidrodinamikasi (CFD)ning ahamiyati yoritilgan. Tadqiqot natijalariga ko‘ra, differensial tenglamalar suyuqlik oqimini tasvirlashning universal matematik vositasi bo‘lib, gidrodinamikaning nazariy asoslarini tashkil etadi.

Yuklab olish Annotatsiya ›

---

Annotatsiya

Mazkur maqolada hamkorlik pedagogikasi asosida inklyuziv ta’lim muhitida o‘quvchilar o‘rtasida ijtimoiy faollik va o‘quv motivatsiyasini oshirish mexanizmlari tahlil qilinadi. Tadqiqotda hamkorlikka asoslangan ta’lim usullarining o‘quvchilarning o‘zaro muloqoti, ijtimoiy moslashuvi va ta’lim jarayonidagi faol ishtirokiga ta’siri o‘rganilgan. Tadqiqot jarayonida pedagogik kuzatuv, so‘rovnoma va taqqoslash metodlaridan foydalanilgan. Natijalar hamkorlik pedagogikasining inklyuziv ta’limda ijobiy psixologik muhitni shakllantirish, o‘quvchilarning o‘ziga bo‘lgan ishonchini kuchaytirish hamda ta’lim samaradorligini oshirishda muhim omil ekanligini ko‘rsatdi. Tadqiqot natijalari amaliyotda inklyuziv ta’limni takomillashtirishda foydalanish uchun tavsiya etiladi.

Yuklab olish Annotatsiya ›

---

Annotatsiya

Maqolada “Tarbiya” fani vositasida yuqori sinf o‘quvchilarida faol fuqarolik pozitsiyasini rivojlantirish orqali yoshlarni fuqarolik ruhida tarbiyalashning ahamiyati va pedagogik asoslari haqida so‘z yuritilgan.

Yuklab olish Annotatsiya ›

---

Annotatsiya

Ushbu maqolada maxsus ehtiyojga ega o‘quvchilarning (jismoniy, sensor, kognitiv, nutq-til, ijtimoiy-emotsional va xulq-atvor bilan bog‘liq) o‘ziga xos xususiyatlari tizimli tahlil qilinadi.

Yuklab olish Annotatsiya ›

---

Annotatsiya

Ushbu maqolada futbol murabbiylarining pedagogik intuitsiyasini rivojlantiruvchi asosiy omillar ko‘rib chiqilgan. Shuningdek, murabbiyning roli, tezkor va samarali qarorlar qabul qilishi, o‘yinchilarning hissiy holatini tushunish va ularga to‘g‘ri yondashuvni topish yo ‘llari yoritib berilgan. Pedagogik intuitsiyani rivojlantiruvchi asosiy omillar jadvalda shakllantirilgan.

Yuklab olish Annotatsiya ›

---

Annotatsiya

Ushbu maqolada jismoniy sifatlarni rivojlantirish jarayonida pedagogik mexanizmlarning ahamiyati, ularning mazmuni va amaliy qo‘llanilish xususiyatlari tahlil qilindi. Tadqiqotning maqsadi - o‘quvchilarda kuch, tezlik, chidamlilik, chaqqonlik va moslashuvchanlik kabi jismoniy sifatlarni rivojlantirishda individual yondashuv, motivatsiya, interaktiv mashg‘ulotlar va tizimli rejalashtirishning pedagogik imkoniyatlarini asoslab berishdan iborat.

Yuklab olish Annotatsiya ›

---

Annotatsiya

Ushbu maqolada pedagogik intuitsiyaning mohiyati, uning murabbiy faoliyatidagi ahamiyati va uni takomillashtirishning asosiy jarayonlari atroflicha yoritiladi. Pedagogik intuitsiyani rivojlantirish uchun nazariy bilimlar, amaliy tajriba, refleksiv tahlil va o‘z-o‘zini rivojlantirishning ahamiyati ko‘rsatib o‘tiladi.

Yuklab olish Annotatsiya ›

---

Annotatsiya

Mazkur maqolada bo‘lajak ingliz tili o‘qituvchilarining intellektual kompetentligini rivojlantirishning ilmiy-pedagogik zarurati tahlil qilinadi. Intellektual kompetentlik kasbiy faoliyat samaradorligini belgilaydigan muhim omil sifatida talaba shaxsining aqliy salohiyati, tanqidiy va analitik tafakkuri, kreativ fikrlashi, muammoni hal qilish qobiliyati hamda ilmiy dunyoqarashi bilan uzviy bog‘liq holda yoritiladi. Xorijiy va milliy ta'lim tizimida talabalar intellektual salohiyatini baholash mezonlari o‘rganilib, ularni milliy oliy ta'lim amaliyotiga joriy etish zarurati asoslab beriladi. Shuningdek, intellektual kompetentlikning shakllanishida bilim, tafakkur, dunyoqarash, ijtimoiy muhit, axloqiy madaniyat, diniy va dunyoviy bilimlar uyg‘unligining o‘rni ochib beriladi.

Yuklab olish Annotatsiya ›

---

Annotatsiya

Maqolada axborotni chiziqli idrok etishdan uni mazmunli va tanqidiy tushunishga o‘tish sharoitida darslik matnlari bilan ishlashning zamonaviy metodologik yondashuvlari ko‘rib chiqiladi. O‘quvchilarning o‘qish savodxonligini rivojlantirishga qaratilgan kognitiv va metakognitiv texnikalarni o‘z ichiga olgan mazmunli matnni qayta ishlash strategiyalari tahlil qilinadi. O‘quv materiallarini tuzishga, talqin qilish va mulohaza yuritishni rag‘batlantiradigan vazifalar turlariga va o‘qishni tushunishni baholashga alohida e’tibor qaratilgan.

Yuklab olish Annotatsiya ›

---

Annotatsiya

Mazkur maqolada raqamlashtirish sharoitida chet tili ta’limida talabalarning yozuv ko‘nikmalarini rivojlantirishga xizmat qiluvchi raqamli o‘quv vositalari (e-darslik, e-portfolio, blog, kollaborativ platformalar, mobil ilovalar, multimediya kontent, sun’iy intellekt asosidagi tahrir va baholash tizimlari, virtual yozuv laboratoriyalari)ning metodik tavsifi yoritiladi. Tadqiqot konseptual-tahliliy yondashuvga tayangan holda lingvodidaktik, kommunikativ, task-based learning (TBL) hamda multimodal pedagogika paradigmalarini birlashtiradi. Natijada raqamli vositalar yozuvni faqat texnik malaka sifatida emas, balki akademik, kommunikativ va ijodiy kompetensiya sifatida shakllantirishda strategik didaktik resurs ekanligi asoslanadi.