"Ta'lim va taraqqiyot" ilmiy-uslubiy jurnali 2025-yil 5-soni

Yuklab olish Annotatsiya ›

---

Annotatsiya

Ushbu maqolada bo‘lajak o‘qituvchilarni internet-risk profilaktikasiga tayyorlashning pedagogik va psixologik mexanizmlari yoritilgan. XXI asrda internet ta’lim jarayonining ajralmas qismiga aylangan bo‘lsa-da, u bilan bog‘liq xavf va tahdidlar ham ortib bormoqda. Tadqiqotda internet-risk tushunchasining mazmuni, uning ijtimoiy-psixologik ta’sirlari va ta’lim muassasalarida yuzaga keladigan muammolar tahlil qilindi. Pedagogik mexanizmlar sifatida raqamli savodxonlik, axborot madaniyatini shakllantirish, interaktiv metodlardan foydalanish samarali ekani qayd etildi. Psixologik mexanizmlar esa empatiya, stressni boshqarish, qaror qabul qilish ko‘nikmalarini rivojlantirish bilan bog‘liq bo‘lib, o‘qituvchi va o‘quvchilarni internetdagi xavflardan himoya qilishga yordam beradi. Shuningdek, xalqaro tajriba asosida taqqoslama tahlillar amalga oshirilib, milliy ta’lim tizimi uchun amaliy tavsiyalar ishlab chiqildi. Xulosa sifatida, bo‘lajak o‘qituvchilarni internet-risk profilaktikasiga tayyorlash ularning kasbiy kompetensiyasining ajralmas qismi bo‘lib, yoshlarni axborot xurujlaridan himoya qilishning samarali vositasi ekanligi ta’kidlandi.

Yuklab olish Annotatsiya ›

---

Annotatsiya

ushbu ilmiy maqolada boshlang‘ich sinf o‘quvchilarida milliy musiqa eshitish ko‘nikmalarini rivojlantirishda o‘qituvchining pedagogik roli va metodik yondashuvlarning samaradorligi tadqiq etildi. Maqolada milliy musiqa madaniyati, musiqiy estetik idrok, hamda didaktik innovatsiyalarni qo‘llash orqali o‘quvchilarda milliy musiqiy identitet va kompetensiyalarni shakllantirish mexanizmlari konseptual tarzda tahlil qilinadi. Maqolada interaktiv, multimodal va raqamli pedagogik texnologiyalar, xususan, vizual-audio platformalar, virtual cholg‘u simulyatorlari va axborot-kommunikatsiya vositalari yordamida ta’lim jarayonini transformatsiya qilish jarayonlari ko‘rib chiqiladi.

Yuklab olish Annotatsiya ›

---

Annotatsiya

Globallashuv va raqamli transformatsiya sharoitida innovatsion tafakkurni shakllantirish raqobatbardosh texnik mutaxassislarni tayyorlashning asosiy omiliga aylanmoqda. Maqolada texnika yo‘nalishi talabalariga ingliz tilini o‘qitish jarayonida innovatsion tafakkurni rivojlantirishni ta’minlovchi didaktik shart-sharoitlar ko‘rib chiqilgan. Innovatsion ta’lim makonini shakllantirishning konseptual yondashuvlari aniqlandi, kasbiy yo‘naltirilgan mazmunni madaniyatlararo muloqot bilan integratsiyalashga yordam beradigan pedagogik texnologiyalar va usullar taklif etildi. Tadqiqotning amaliy ahamiyati O‘zbekiston universitetlari amaliyotiga innovatsion didaktik modellarni joriy etish bo‘yicha tavsiyalar ishlab chiqilganligi bilan izohlanadi.

Yuklab olish Annotatsiya ›

---

Annotatsiya

Ushbu maqolada voleybol sportida o'yin texnikasini rivojlantirish uchun maxsus mashqlar tizimining ahamiyati va samaradorligi kompleks yondashuv asosida tahlil qilingan. Tadqiqot davomida zamonaviy pedagogik va fiziologik yondashuvlar asosida voleybolchilarning texnik ko'nikmalarini shakllantirish metodikasi ishlab chiqildi. Maqolada maxsus mashqlarning umumiy jismoniy tayyorgarlik mashqlari bilan integratsiyalashuvi, texnik elementlarni bosqichma-bosqich o'zlashtirish tamoyillari hamda sport psixologiyasi va biomexanikaning zamonaviy yutuqlaridan foydalanish masalalari ko'rib chiqilgan. Olingan natijalar shuni ko'rsatdiki, kompleks yondashuv asosida tuzilgan maxsus mashqlar dasturi sportchilarning texnik mahoratini 35-42% oshirishi, koordinatsiya qobiliyatlarini yaxshilashi va raqobat faoliyatida muvaffaqiyat ko'rsatkichlarini sezilarli darajada yuksaltirishi mumkin.

Yuklab olish Annotatsiya ›

---

Annotatsiya

Ushbu maqolada boshlang‘ich sinf o‘quvchilarida grammatik tushunchalarni o‘zlashtirish jarayonida kognitiv o‘quv faoliyatlarini rivojlantirishga qaratilgan pedagogik sharoitlar va metodik yondashuvlar tahlil qilinadi. Til hodisalarini tahlil qilish, taqqoslash, turkumlash va umumlashtirish ko‘nikmalarini shakllantirishga ta’sir etuvchi asosiy psixologik va didaktik omillar aniqlangan. O‘quvchilarning bilish mustaqilligini rivojlantirishga xizmat qiluvchi o‘quv faoliyatlarini tashkil etish bo‘yicha metodik tavsiyalar taklif etilgan.

Yuklab olish Annotatsiya ›

---

Annotatsiya

Ushbu maqolada Montessori pedagogikasining asosida mantiqiy fikrlashni rivojlantirish uchun zarur pedagogik shart-sharoitlar tahlil qilinadi. Maqolada Montessori pedagogikasining asosiy tamoyillari, o‘quvchilarni mustaqil fikrlashga, mantiqiy masalalarga, va muammolarni yechish ko‘nikmalariga yo‘naltirilgan ta’lim jarayoni bilan bog‘liq shartlar yoritiladi. Montessori pedagogikasida o‘yin orqali o‘rganish, erkin faoliyat va yaratuvchanlikni rag‘batlantirish kabi asosiy jihatlari ko‘rsatiladi. Mantiqiy fikrlashni rivojlantirishda o‘quv materiallarining mosligi, o‘quv muhitining qulayligi haqida so‘z yuritiladi.

Yuklab olish Annotatsiya ›

---

Annotatsiya

Ushbu maqolada raqamli texnologiyalarning loyihaviy-konstruktorlik jarayonlariga ta’siri o‘rganildi hamda sanoat va ishlab chiqarish sohalarida raqamlashtirish jarayonining jadallashuvi bayon etildi. Zamonaviy raqamli vositalar 3D-modellashtirish, avtomatlashtirilgan loyihalash tizimlari (CAD), va sun’iy intellekt yordamida samaradorlikni sezilarli oshirish mumkin. Tadqiqotda raqamli texnologiyalar mehnat unumdorligini oshirib, resurslar tejalishini ta’minlashi aniqlangan. Shuningdek, ushbu texnologiyalarni keng joriy etish loyihalash xarajatlarini kamaytirib, iqtisodiy samaradorlikni oshirishga xizmat qildi.

Yuklab olish Annotatsiya ›

---

Annotatsiya

Ushbu maqolada zamonaviy texnologiyalaridan hisoblangan STEAM asosida tarbiyalanuvchilarni bilish jarayonini rivojlantirishni asosiy maqsad etib olingan.Va ushbu maqsadda esa turli hil usullardan foydalanilgan. Misol uchun.Eksperiment,kuzatuv va tahlil,anketa so’rov usullaridan foydalanilgan.Natijada esa yuqori amaliy yutuqlarga erishilgan.Tarbiyalanuvchilarnig anglash,bilish qobilyatlari yuqori ko’rsatkichlarni ko’rsatmoqda.Bundan tashqari esa ilmiy-pedagogik natijalar:STEAM asosida mashg‘ulotlar katta guruh tarbiyalanuvchilarining bilish jarayonlarini integrativ tarzda rivojlantirishga xizmat qiladi.Kognitiv rivojlanishda idrok, tafakkur, tasavvur va xotira uyg‘unlashib, mustahkamlanadi.Bolalarda tadqiqotchilik ruhi va mustaqil izlanish ehtiyoji shakllanadi. Amaliy natijalar.Mashg‘ulotlar bolalarning maktabga tayyorgarligini kuchaytiradi.STEAM metodlari qo‘llanilganda, tarbiyachilar ham darsni qiziqarli, ijodiy va samarali tashkil etish imkoniyatiga ega bo‘ladi.Jamoadagi muloqot va hamkorlik, o‘z fikrini asoslash va himoya qilish ko‘nikmalari rivojlanadi.

Yuklab olish Annotatsiya ›

---

Annotatsiya

Ushbu maqolada oliy ta’lim muassasalari menejerlarining kasbiy-boshqaruv muhitini rivojlantirishda tashkiliy-me’yoriy asoslarning tutgan o‘rni yoritilgan. Kasbiy-boshqaruv muhitining tarkibiy qismlari, mavjud huquqiy-me’yoriy hujjatlar, ularning ta’siri, dolzarb muammolar va ularni bartaraf etish yo‘llari tahlil qilingan. Shuningdek, menejerlar faoliyatini raqamlashtirish, kompetensiya modeli va baholash tizimini takomillashtirish bo‘yicha amaliy takliflar berilgan.

Yuklab olish Annotatsiya ›

---

Annotatsiya

Ushbu maqolada talabalarning texnologik tafakkurini rivojlantirish masalasi ilmiy-nazariy asosda yoritilgan. Texnologik tafakkur tushunchasining mazmuni ochib berilib, uning asosiy tarkibiy komponentlari - ilmiy, amaliy, ijodiy, tanqidiy-tahliliy hamda axloqiy-ma’naviy yo‘nalishlarda tahlil qilingan. Shuningdek, oliy ta’lim tizimida talabalarda texnologik tafakkurni shakllantirishning samarali usullari va zaruriy pedagogik shart-sharoitlari ko‘rib chiqildi. Maqolamizda texnologik tafakkurni rivojlantirish orqali talabalarning kasbiy kompetensiyalarini mustahkamlashga qaratilgan amaliy tavsiyalar ishlab chiqildi.