"Ta'lim va taraqqiyot" ilmiy-uslubiy jurnali 2025-yil 5-soni

Yuklab olish Annotatsiya ›

---

Annotatsiya

Ushbu maqolada mexanik tebranishlarni qo‘shish jarayonining nazariy asoslari, o‘qitishda uchraydigan metodik muammolar hamda raqamli texnologiyalar yordamida ularni samarali tushuntirish imkoniyatlari tahlil qilinadi. Tebranishlarning faza, chastota va amplituda parametrlariga bog‘liqligi, ularning o‘zaro interferensiyasi hamda natijaviy tebranishning fizik mazmuni ilmiy asosda yoritilgan. Shuningdek, interaktiv dasturiy vositalar, animatsiyalar va virtual laboratoriyalar yordamida talabalarda mavzu bo‘yicha batafsil tushuncha hosil qilish metodikasi taklif etiladi. Maqola oliy ta’limda fizika fanini o‘qitishda zamonaviy metodlarni shakllantirishga xizmat qiladi.

Yuklab olish Annotatsiya ›

---

Annotatsiya

Mazkur maqolada gimnastika bo‘yicha mashg‘ulotlar chaqqonlikni, kuchni, chidamlilikni, egiluvchanlikni, vibratsiyava bosim o‘zgarishlariga qarshi turg‘unlikni, joylarda orientir olish, amaliy harakat malakalarni oshirish, malakalarni rivojlantirish, dovyuraklik va qat’iyatlilikni tarbiyalash, safda qad rostlikni va safda o‘zini tutish malakalarni takomillashtirish bo‘yicha ma’lumotlar berilgan

Yuklab olish Annotatsiya ›

---

Annotatsiya

Maqolada zamonaviy ijtimoiy-madaniy sharoitda ta’lim texnologiyalari fanida talabalar mediakompetentligini rivojlantirish metodikasi nazariy va amaliy jihatdan tahlil qilindi. Media ta’lim pedagogik yo‘nalish sifatida qaralib, adabiyot, san’at madaniyati va tarixi, psixologiya, san’atshunoslik hamda madaniyatshunoslik bilan integratsiyalashgan holda yondashuv asosida izohlanadi. Shu bilan birga, media axborotni tanlash va saralash, uni to‘liq tushunish, media matn yaratish, solishtirish va ijodiy qo‘llash ko‘nikmalarini shakllantirish, tanqidiy va mustaqil fikrlash, axborotga baho berish kompetensiyalarini rivojlantirish va ularni inson faoliyatining barcha sohalarida amaliy qo‘llash asoslarini shakllantirish masalalari yoritiladi.

Yuklab olish Annotatsiya ›

---

Annotatsiya

Yuqori malakali futbolchi qizlarining tajriba boshida va tajriba ohirida jismoniy va texnik tayyorgarliklarini aniqlashda o‘quv-mashg‘ulot jarayonlari o‘rganilib, nazorat mashqlari tahlil qilib borildi. Olib borilgan tahlil natijalari ikki jamoada tadqiqot ohirida nazorat testlari orqali aniqlandi.

Yuklab olish Annotatsiya ›

---

Annotatsiya

Raqamlashtirishning kuchayishi sharoitida chet tilini o‘qitishda mustaqil ta’limning o‘rni har qachongidan ham katta bo‘ldi. Ushbu maqola ESP (Maxsus Maqsadlar uchun Ingliz tili) talabalari, xususan, oliy ta'lim doirasidagi mustaqil ishlarning pedagogik va psixologik asoslarini o‘rganadi. P. I. Pidkasistiy, S. V. Akmanova va Tochilina Yu. N. nazariyalariga tayangan holda, tadqiqot mustaqil ta’lim qanday qilib o‘z-o‘zini anglash, motivatsiya, avtonomiya va fanlararo integratsiyani rivojlantirishni o‘rganadi. Empirik ma’lumotlar Google Forms so‘rovi natijasida menejment yo‘nalishining birinchi kurs talabalari ishtirokida, ularning ingliz tilini mustaqil o‘rganishda raqamli vositalardan foydalanishini va tasavvurlarini tahlil qilish orqali to’plangan. Natijalar multimedia yordamida o‘rganishga (masalan, video darslar, interfaol testlar, mobil ilovalar) ustunlik beradi va til o‘zlashtirishda insho yozish va ijodiy topshiriqlar muhimligini ta’kidlaydi. Tadqiqot xulosasiga ko‘ra, yaxshi tuzilgan, AKT bilan integratsiyalangan mustaqil ishlar talabalarning kasbiy malakalarini oshiradi va ularni raqamli jamiyatda umrbod ta’lim olishga tayyorlaydi.

Yuklab olish Annotatsiya ›

---

Annotatsiya

Ushbu maqolada shifokorlar o'rtasidagi professional muloqot sifati bilan bog'liq dolzarb masalalar ko'rib chiqiladi. Tadqiqotlar shuni ko'rsatdiki, shifokorlar va bemorlar o'rtasidagi ijobiy muloqot eng muhim ko'rsatkichlardan biridir. Muloqotsiz tibbiy yordam ko'rsatish yoki bemorlarni davolanishga tayyorlash mumkin emas. Bo'lajak shifokorlarning kasbiy tayyorgarligi jarayonida bemorlar bilan muloqot qilishda sheriklikka asoslangan yondashuv uchun motivatsiyani rivojlantirish va professional muloqot uchun zarur kommunikativ ko'nikmalarni rivojlantirish muhimdir. Bu yo‘nalishdagi imkoniyatlardan biri gumanitar fanlarni o‘quv dasturiga kiritish bo‘lib, bu nafaqat professional dunyoqarashni, balki bo‘lajak shifokorlarda ijobiy munosabatni shakllantirishga ham xizmat qiladi. Ushbu tadqiqotning maqsadi tibbiyot oliygohlarida talabalarning kommunikativ kompetentsiyasini rivojlantirishning asosiy rolini asoslashdir.

Yuklab olish Annotatsiya ›

---

Annotatsiya

Mazkur maqolada pedagogik amaliyot jarayonida bo‘lajak boshlang‘ich ta’lim o‘qituvchilarining kasbiy kompetentligini rivojlantirishning dolzarb masalalari yoritilgan. Unda boshlang‘ich ta’lim o‘qituvchilarining kasbiy faoliyatga tayyorlanish jarayonida nazariy bilimlarni amaliyot bilan uyg‘unlashtirish, metodik ko‘nikma va malakalarni shakllantirish hamda zamonaviy pedagogik texnologiyalardan samarali foydalanishning ahamiyati tahlil qilingan. Shuningdek, pedagogik amaliyot davrida talabalarda kasbiy motivatsiya, kommunikativ madaniyat, tashabbuskorlik va mas’uliyat kabi sifatlarni rivojlantirishning asosiy omillari ko‘rsatib berilgan. Muallif tomonidan kasbiy kompetentlikni shakllantirishda amaliy mashg‘ulotlar, ilg‘or pedagogik tajribalarni o‘rganish, mentorlik va refleksiv tahlilning o‘rni alohida ta’kidlangan. Tadqiqot natijalariga ko‘ra, pedagogik amaliyot nafaqat nazariy bilimlarni amaliyotga tatbiq etish, balki bo‘lajak o‘qituvchilarning mustaqil fikrlashi, ijodiy yondashuvi va ta’lim jarayonini samarali tashkil etish kompetentligini shakllantirishda muhim bosqich sifatida baholanadi.

Yuklab olish Annotatsiya ›

---

Annotatsiya

Mazkur maqolada maktabgacha ta’lim tashkilotlarida innovatsion ta’lim muhitini shakllantirishning mazmun-mohiyati, uni samarali tashkil etish yo‘llari hamda pedagogik faoliyatga ta’siri yoritilgan. Tadqiqotda innovatsion muhitning bola rivojlanishiga, tarbiyachilar kasbiy kompetentligini oshirishga va ta’lim-tarbiya jarayonida samaradorlikka erishishga xizmat qilishi asoslab berilgan. Shuningdek, ilg‘or xorijiy tajribalar hamda mahalliy amaliyot tahlil qilingan bo‘lib, innovatsion yondashuvlar yordamida ta’lim jarayonida yaratiladigan qulay shart-sharoitlar o‘quv-tarbiya samaradorligini oshirishi ta’kidlangan. Maqola xulosalarida innovatsion ta’lim muhitini joriy etish orqali pedagogik faoliyatning yangi bosqichga ko‘tarilishi va maktabgacha ta’lim sifatining yaxshilanishiga zamin yaratishi alohida ko‘rsatib o‘tiladi.

Yuklab olish Annotatsiya ›

---

Annotatsiya

Ushbu maqolada tibbiyot talabalariga ingliz va lotin tillarini o‘qitishda sun’iy intellekt (SI) texnologiyalaridan foydalanish imkoniyatlari tahlil qilinadi. Tadqiqotning maqsadi - SI texnologiyalarining tibbiyot ta’limidagi xorijiy tillarni o‘qitish metodikasini takomillashtirishdagi o‘rni va afzalliklarini aniqlashdir. SI asosida yaratilgan moslashuvchan platformalar va intellektual yordamchilar til o‘rganishni individuallashtirish, tibbiy terminologik lug‘atni shakllantirish va kommunikativ ko‘nikmalarni rivojlantirishga xizmat qiladi. Shu bilan birga, SI integratsiyasida axloqiy masalalar, raqamli muhitga qaramlik hamda talabalar va o‘qituvchilarning psixologik tayyorgarligi kabi muammolar ham mavjud. Maqolada xorijiy tillarni o‘qitishda SI texnologiyalarini samarali qo‘llash bo‘yicha amaliy tavsiyalar beriladi.

Yuklab olish Annotatsiya ›

---

Annotatsiya

Ushbu maqolada bo‘lajak boshlang‘ich ta’lim o‘qituvchilarining kasbiy kompetensiyasini rivojlantirish jarayonida pedagogik amaliyotning o‘rni va ahamiyati tahlil qilingan. “Pedagogik mahorat” fani misolida kasbiy kompetensiya tarkibiy qismlari, ularni shakllantirish usullari va talabalarda kuzatilgan o‘zgarishlar yoritilgan. Tadqiqotda nazariy tahlil, kuzatish, so‘rovnoma va pedagogik eksperiment metodlaridan foydalanilgan. Olingan natijalar pedagogik amaliyot davomida talabalar dars o‘tish, kommunikativ muloqot, tashkiliy ko‘nikmalar hamda ijodiy yondashuvni rivojlantirishda samarali bo‘lganini ko‘rsatdi.