"Ta'lim va taraqqiyot" ilmiy-uslubiy jurnali 2025-yil 5-soni

Yuklab olish Annotatsiya ›

---

Annotatsiya

Ushbu maqolada integral operator ishtirok etuvchi integrodifferensial tenglamalar uchun chegaraviy masalalarning nazariy asoslari va ularni yechish metodlari tahlil qilinadi. Chegaraviy masalalar differensial va integral operatorlarning birgalikdagi ta’sirini o‘z ichiga olganligi sababli, ularning yechimlari murakkab funksional fazolarda aniqlanadi. Maqolada Fredgolm va Volterra turidagi integral operatorlar qatnashgan tenglamalar uchun yechim mavjudligi, yagonaligi va barqarorligi shartlari o‘rganiladi. Shuningdek, sonli yechim usullarining qo‘llanish imkoniyatlari ham yoritilgan.

Yuklab olish Annotatsiya ›

---

Annotatsiya

Ushbu maqolada maktab algebra va analiz asoslari kursida trigonometrik tenglamalar hamda tengsizliklarni еchish ko‘nikmalarini shakllantirishga oid metodik yondashuvlar ko‘rib chiqiladi. O‘quvchilar duch keladigan tipik qiyinchiliklar tahlil qilinadi va ularni bartaraf etishning samarali usullari taklif etiladi. Ayniqsa, еchish usullarini tizimlashtirish, grafik metodlardan foydalanish hamda o‘qitish jarayonini algoritmlashtirish masalalariga alohida e’tibor qaratiladi.

Yuklab olish Annotatsiya ›

---

Annotatsiya

Ушбу мақолада. Юқори малакали эркин курашчиларни мусобақаолди тайёоргалик курсаткичларини аниқлаш ва жисмоний сифатларни диагностика қилиш учун педагогик тестлаш методларидан фойдаландик. Уларни қуйидаги тестлар гуруҳига киритдик: 1) юкламалардан сўнг тикланиш жараёни ва юкламаларга бардошлилиги аниқланди.

Yuklab olish Annotatsiya ›

---

Annotatsiya

Ushbu tadqiqot jismoniy tarbiya darslarida o'quvchilarning badminton bo'yicha yutuqlarini kompleks baholashning ilmiy-pedagogik asoslari va amaliy mezonlarini ishlab chiqishga bag'ishlangan. Tadqiqot zamonaviy baholash nazariyalari, sport pedagogikasi va psixometriya tamoyillariga asoslanib, ko'p o'lchovli baholash tizimini taklif etadi. Taqdim etilgan tizim texnik mahorat, taktik bilim, jismoniy tayyorgarlik, psixologik xususiyatlar va ijtimoiy-shaxsiy kompetensiyalarni qamrab oluvchi beshta asosiy komponentni o'z ichiga oladi. Har bir komponent uchun ob'ektiv mezonlar, baholash vositalari va standartlashtirilgan protseduralar ishlab chiqilgan. Tadqiqot shuni ko'rsatadiki, kompleks baholash yondashuvi bir tomonlama texnik yoki natija-yo'naltirilgan baholashdan ko'ra o'quvchilarning haqiqiy rivojlanishini to'liqroq aks ettiradi va motivatsiyani oshiradi. Amaliy tavsiyalar turli yosh guruhlari va tayyorgarlik darajalariga mos keladigan baholash instrumentlarini taqdim etadi. Natijalar jismoniy tarbiya o'qituvchilari, murabbiylar va ta'lim boshqaruvchilari uchun dalillarga asoslangan baholash tizimini yaratishda asos bo'ladi.

Yuklab olish Annotatsiya ›

---

Annotatsiya

Maqolada ota-onalarning farzandlariga nisbatan zo‘ravonlik holatlarining psixologik, ijtimoiy va pedagogik ildizlari ilmiy tahlil qilinadi. Mazkur tadqiqotda oilaviy munosabatlarda kuzatilayotgan agressiv xulq-atvor shakllarining shakllanish omillari, ularning bola ruhiyatiga ko‘rsatadigan salbiy ta’siri hamda ularni bartaraf etishning zamonaviy texnologik yondashuvlari nazariy jihatdan asoslab beriladi.

Yuklab olish Annotatsiya ›

---

Annotatsiya

Ushbu maqolada elita sportchilari o'rtasida erkin kurash mashqlarini bajarishning texnik xususiyatlari ko'rib chiqiladi. Hujum va mudofaa harakatlariga xos bo'lgan fundamental va maxsus texnikalar, shuningdek, mashg'ulot jarayonida texnik ko'nikmalarni oshirish usullari tahlil qilinadi. Muvofiqlashtirish, harakat samaradorligi, hujum kombinatsiyalarining o'zgaruvchanligi va yerga qarshi samarali kurashga alohida e'tibor beriladi. Texnik va taktik bajarish sifatini oshirishga qaratilgan mashqlarni qo'llash bo'yicha uslubiy tavsiyalar berilgan.

Yuklab olish Annotatsiya ›

---

Annotatsiya

Maqolada umumiy o‘rta ta’lim tashkilotlarida pedagogik jarayonlarni tashkil etish va boshqarishda refleksiv yondashuv texnologiyasini joriy etish hamda takomillashtirish bo‘yicha olib borilgan tajriba-sinov ishlarining natijalari yoritilgan. Tadqiqot jarayonida o‘qituvchilarning refleksiv kompetensiyasini rivojlantirish, o‘quv jarayonida o‘z faoliyatini tahlil qilish va baholashga yo‘naltirilgan yondashuvlarning samaradorligi aniqlangan. Natijalar shuni ko‘rsatadiki, refleksiv yondashuv o‘qituvchi va o‘quvchi o‘rtasidagi o‘zaro muloqotni yaxshilaydi, ta’lim sifatini oshiradi hamda o‘quvchilarning mustaqil fikrlash ko‘nikmalarini shakllantirishga ijobiy ta’sir ko‘rsatadi. Maqolada olingan tajriba asosida refleksiv boshqaruv mexanizmlarini amaliyotga joriy etish bo‘yicha taklif va tavsiyalar keltirilgan.

Yuklab olish Annotatsiya ›

---

Annotatsiya

Ushbu maqola sun’iy intellekt (SI) va janrga asoslangan pedagogika integratsiyasining bo‘lajak ingliz tili o‘qituvchilariga yozuv kompetensiyasini samarali o‘rgatishdagi ilmiy asoslarini o‘rganishga qaratilgan. XXI asrning raqamli ta’lim muhitida o‘qituvchilar uchun yozuvni o‘rgatish metodikalarini yangilash dolzarb masalaga aylangan. SI vositalari – xususan, grammatika tahlili, stilistik tavsiyalar, avtomatik baholash va matn strukturasi tahlili imkoniyatlari orqali – o‘quvchilarga yozuv jarayonida real vaqtda individual yordam beradi. Shu bilan birga, janrga asoslangan pedagogika talabalarga turli ijtimoiy va akademik kontekstlarda matn yozish uchun zarur bo‘lgan strukturaviy va kommunikativ ko‘nikmalarni shakllantirishga xizmat qiladi. Maqolada 2000–2025-yillar davomida chop etilgan ilmiy manbalar asosida ushbu ikki yondashuvning nazariy va amaliy asoslari tahlil qilinadi. SI texnologiyalarining o‘quv jarayoniga joriy etilishi orqali talabalar matn yaratish, uni tahlil qilish va takomillashtirish bosqichlarida faol ishtirok etadi. Ayniqsa, SI vositalarining janrga asoslangan pedagogika bilan uyg‘unlashuvi, yozuv darslarini interaktiv va moslashtirilgan o‘rganish tajribasiga aylantiradi. Maqolada bu integratsiyaning o‘qituvchiga va talabalarga qanday afzalliklar berishi, qanday metodik model asosida joriy etilishi va natijaviyligi ilmiy asosda yoritiladi.

Yuklab olish Annotatsiya ›

---

Annotatsiya

Ushbu maqolada oliy ta’lim tizimida o‘qituvchi va talaba o‘rtasidagi munosabatlarning ma’naviy-axloqiy jihatlari tahlil qilingan. Maqolada ma’naviy-axloqiy qadriyatlarning ta’lim jarayonidagi o‘rni, ularni shakllantirishning nazariy asoslari hamda amaliy tajribasi ko‘rsatib o‘tilgan. Shuningdek, xorijiy tajribalar misolida talabalarda ma’naviy immunitetni shakllantirish, o‘qituvchilarning pedagogik mahoratini oshirish va ta’limda milliy qadriyatlarga asoslanishning ahamiyati yoritilgan. Muallif tomonidan oliy ta’lim muassasalarida ma’naviy-axloqiy munosabatlarni takomillashtirish bo‘yicha amaliy takliflar ishlab chiqilgan.

Yuklab olish Annotatsiya ›

---

Annotatsiya

Mazkur maqolada O‘zbekiston sharoitida inklyuziv ta’lim jarayonida ota-onalarning pedagogik kompetensiyasini rivojlantirishning nazariy asoslari, metodologik yondashuvlari hamda amaliy yo‘nalishlari chuqur tahlil qilingan. Tadqiqotda ota-onalarning inklyuziv ta’limdagi roli, pedagogik kompetensiyaning tarkibiy qismlari, zamonaviy metodik shakllar va psixologik tayyorgarlikning ahamiyati yoritilgan. Empirik kuzatuvlar va so‘rov natijalari asosida O‘zbekiston tajribasining kuchli va muammoli jihatlari tahlil qilinib, takomillashtirish bo‘yicha amaliy tavsiyalar berilgan.