"Ta'lim va taraqqiyot" ilmiy-uslubiy jurnali 2026-yil 5-son

Yuklab olish Annotatsiya ›

---

Annotatsiya

Mazkur maqolada malakali bokschilarning jismoniy va texnik tayyorgarligini takomillashtirishda maxsus aylanma mashg‘ulotlarning o‘rni va ahamiyati tahlil qilingan. Tadqiqotda 10 turdagi mashq namunalari intensivlik, davomiylik, dam olish va dam olishning tabiati bo‘yicha tahlil qilinib, ularning bokschilar jismoniy sifatlariga ko‘rsatgan ta’siri ko‘rib chiqildi.

Yuklab olish Annotatsiya ›

---

Annotatsiya

Maqolaning maqsadi adaptiv jismoniy tarbiya va sport mutaxassislarini tayyorlash tizimida “Ixtisoslikka kirish” fanining pedagogik va metodologik o‘rnini nazariy jihatdan asoslash hamda uning mazmunini takomillashtirish yo‘nalishlarini belgilashdan iborat. Tadqiqotda ilmiy adabiyotlarni nazariy va qiyosiy tahlil qilish, kontent-tahlil, tizimlashtirish, umumlashtirish va pedagogik modellashtirish usullaridan foydalanildi. Tahlil adaptiv jismoniy tarbiya, inklyuziv jismoniy tarbiya, nogironlikning biopsixoijtimoiy talqini, kasbiy kompetensiyalar va mutaxassis tayyorlash standartlariga oid zamonaviy manbalar hamda normativ-huquqiy hujjatlarni qamrab oldi. Natijada “Ixtisoslikka kirish” fanining orientatsion, motivatsion, integrativ, metodologik, kommunikativ va aksiologik funksiyalari aniqlashtirildi. Fan mazmunini orientatsion, nazariy-metodologik, motivatsion, amaliy-kompetensiyaviy va refleksiv komponentlar asosida tashkil etuvchi model taklif qilindi. Keys-stadi, muammoli ta’lim, kasbiy vaziyatlarni modellashtirish, amaliy tashriflar, mini-tadqiqotlar, elektron portfolio va raqamli ta’lim vositalarini qo‘llash bo‘yicha tavsiyalar ishlab chiqildi. Xulosa sifatida, mazkur fan keyingi maxsus fanlarni o‘zlashtirish uchun kirish kursi bo‘lish bilangina cheklanmay, talabaning kasbiy dunyoqarashi, metodologik tafakkuri, inklyuziv qadriyatlari va dastlabki kompetensiyalarini shakllantiruvchi integrativ pedagogik platforma vazifasini bajarishi asoslandi. Bu yondashuv professional tayyorgarlikning uzviyligi va mantiqiy davomiyligini kuchaytiradi.

Yuklab olish Annotatsiya ›

---

Annotatsiya

Ushbu maqolada tехnika oliy ta’lim muassasalarining Logistika ta’lim yo‘nalishi talabalarida raqamli-texnologik kompetentligini sun’iy intellekt texnologiyalari asosida rivojlanishi va unda zamonaviy oliy texnik ta'limning samaradorlik jihatlarining ahamiyati tahlil qilingan. Shuningdek, bo‘lajak transport muhandislarida raqamli-texnologik kompetentligini sun’iy intellekt texnologiyalari asosida rivojlanish darajasini aniqlash bo‘yicha tashkil qilingan tajriba sinov ishlari natijalari keltirilgan.

Yuklab olish Annotatsiya ›

---

Annotatsiya

Ushbu maqolada pedagogiklarning kasbiy faoliyatining turli bosqichlarida ularning kasbiy rivojlanishini loyihalash salohiyati aniqlangan. Kasbiy kompetentsiyani tushunish va pedagogiklarning kasbiy tayyorgarligi o‘rtasidagi muhim bog‘liqliklarni kashf etgan holda, biz “kasbiy” kompetentsiya va “kasbiy tayyorgarlik” tushunchalari bizga pedagogiklarni tayyorlash, qayta tayyorlash va kasbiy rivojlanish maqsadlarini tavsiflash, kasbiy kompetentsiyani rivojlantirishga e’tibor qaratish imkonini beradi, deb hisoblaymiz.

Yuklab olish Annotatsiya ›

---

Annotatsiya

Direktor o‘rinbosarlari va pedagoglarning ergonomik madaniyatini rivojlantirish va hozirgi zamon maktab rahbarining midiergonomik madaniyatini rivojlantirishda ergonomik bilim, ko‘nikma va malakalarning dolzabligi asoslangan. Direktor o‘rinbosarlarining midiergonomik madaniyatini rivojlantirish jarayoni mazmuni va amalga oshirish texnologik tizimi tarkibiga kiruvchi komponentlarni taqdim etilgan.

Yuklab olish Annotatsiya ›

---

Annotatsiya

Maqolada bolalar adabiyotini rus tilidan qoraqalpoq tiliga badiiy tarjima qilishning tarixi va hozirgi holati koʻrib chiqiladi. XX asrning 20-yillaridan boshlab bolalar oʻqishiga moʻljallangan tarjima korpusining shakllanish jarayoni kuzatiladi, uning rivojlanish bosqichlari ajratiladi, yetakchi tarjimonlar faoliyati va tarjima qilingan asarlar tavsiflanadi. Bibliografik hisob asosida nashrlar dinamikasi, tarjimalarning janr-mavzuviy tarkibi hamda asarlarning manba-mualliflar boʻyicha taqsimlanishi tahlil qilinadi. Oʻtish davri (1990-yillar) va zamonaviy bosqichga, shuningdek bolalar matnidagi tovush tasviri, til oʻyini va milliy-madaniy koloritni yetkazish muammolariga alohida eʼtibor qaratiladi. Bolalar tarjimasini davlat tomonidan qoʻllab-quvvatlash va malakali kadrlar tayyorlash zarurligi haqida xulosa chiqariladi.

Yuklab olish Annotatsiya ›

---

Annotatsiya

Ushbu maqolada “Cho‘yankon” koni granit va gabbro mineral xomashyosidan qurilish materiallari ishlab chiqarishda foydalanish istiqbollari tahlil qilingan. Muallifning 2023-yildagi tadqiqotlari hamda 2024–2025-yillardagi xalqaro ilmiy manbalar asosida granit va gabbro kukunlarining qurilish materiallaridagi qo‘llanish imkoniyatlari baholangan. Natijada ushbu mineral xomashyodan devorbop va sement asosidagi kompozitsion materiallarda mineral komponent sifatida foydalanish istiqbollari aniqlangan.

Yuklab olish Annotatsiya ›

---

Annotatsiya

Mazkur maqolada, Namangan uyezdi boshligʻi boshqarmasi fondida saqlanayotgan, mustamlakachilik davriga oid irrigatsiya va paxtachilik tarixi masalalari yoritilgan arxiv hujjatlari manbashunoslik nuqtai nazaridan tahlil qilinadi. Tadqiqotda kolonial davrda paxtachilik sohasini tartibga soluvchi qonunlar, farmonlar va qarorlarning mazmuni hamda ularning iqtisodiy va ijtimoiy jarayonlarni aks ettirishdagi o‘rni yoritilgan. Maqolada arxiv hujjatlari paxtachilik tarixini o‘rganishda muhim tarixiy manba sifatida xizmat qilishi ilmiy jihatdan asoslab beriladi.

Yuklab olish Annotatsiya ›

---

Annotatsiya

Mazkur maqolada raqamli texnologiyalar asosida fizika fanini o‘qitishning pedagogik ahamiyati keng qamrovda yoritiladi. O‘zbekistonda va xalqaro miqyosda olib borilgan ilmiy-amaliy tadqiqotlar, tarixiy va zamonaviy nazariyalar, shuningdek, empirik natijalar asosida raqamli platformalar va vositalarning fizika taʼlimiga kirib kelishi, talabalarning bilim sifatiga, motivatsiyasiga va ijodiy fikrlashiga taʼsiri tahlil qilinadi. Maqolada zamonaviy pedagogik yondashuvlar, milliy va mintaqaviy olimlarning hissasi hamda mavjud muammolar va bahsli jihatlar ham ko‘rib chiqiladi.

Yuklab olish Annotatsiya ›

---

Annotatsiya

Ushbu maqolada oliy ta’lim muassasalarida talabalar volontyorlik faoliyatini tashkil etishning pedagogik jihatlari nazariy jihatdan o‘rganildi. Mahalliy me’yoriy-huquqiy baza, Mustaqil Davlatlar Hamdo‘stligi va xorijiy ilmiy tadqiqotlar qiyosiy tahlil qilindi, ularning har biridagi ustuvor mexanizmlar aniqlandi. Tadqiqot davomida volontyorlik faoliyatini boshqarishning to‘rtta takrorlanuvchi mexanizmi - universitet va jamoa hamkorligi, o‘quv jarayoni bilan bog‘lash, tayyorgarlik va pedagogik kuzatuv, hamda natijani raqamli qayd etish ajratib ko‘rsatildi. Tahlil natijasida O‘zbekiston oliy ta’lim muassasalari uchun moslashtirilgan gibrid pedagogik model taklif etildi. Maqolaning ilmiy yangiligi volontyorlik markazini tashkiliy tuzilma emas, balki pedagogik-koordinatsion subyekt sifatida qayta talqin qilishda namoyon bo‘ladi. Xulosa qismida amaliy tavsiyalar ishlab chiqildi.