"Ta'lim va taraqqiyot" ilmiy-uslubiy jurnali 2026-yil 1-soni

Yuklab olish Annotatsiya ›

---

Annotatsiya

Ushbu maqolada yoshlar orasida o‘zbek musiqa madaniyatini keng targ‘ib etish bo‘yicha olib borilgan tadqiqot natijalari, sohani o‘rganishda muhim ahamiyat kasb etayotgan metodologik asoslar, shuningdek yurtimizda amalga oshirilayotgan musiqa madaniyatini yuksaltirish, tarixiy-madaniy va diniy-ma’rifiy qadriyatlarni qayta tiklash va buyuk ajdodlarimizning ma’naviy-axloqiy, madaniy merosini o‘rganish masalalari muhokama qilingan.

Yuklab olish Annotatsiya ›

---

Annotatsiya

Ushbu maqolada umumiy o‘rta ta’lim maktablarining 8-sinf biologiya darslarida interfaol ta’lim usullaridan foydalanish orqali ta’lim jarayonining tarbiyaviy jihatlarini takomillashtirish masalalari ilmiy-nazariy va amaliy jihatdan tahlil qilinadi. Shuningdek, biologiya fanini o‘qitishda qo‘llaniladigan interfaol metodlarning o‘quvchilarda mas’uliyat, sog‘lom turmush tarzi, ekologik madaniyat va ijtimoiy faollikni shakllantirishdagi o‘rni ochib beriladi. Tashkil etilgan tajriba-sinov ishlari natijalari asosida interfaol metodlar o‘quvchilarning bilim sifati bilan bir qatorda tarbiyaviy ko‘rsatkichlariga ham ijobiy ta’sir ko‘rsatishi asoslab beriladi.

Yuklab olish Annotatsiya ›

---

Annotatsiya

Ushbu maqolada yengil atletika va sog‘lom turmush tarzining inson salomatligiga ta’siri haqida atroflicha fikr-mulohazalar yuritildi. Xususan, yengil atletika bilan muntazam shug‘ullanish orqali yurak-qon tomir, nafas olish va tayanch-harakat tizimlarining faoliyatini yaxshilanishi hamda insondagi stress va depressiya holatlarini kamayishi tadqiqotimizda ochib berildi.

Yuklab olish Annotatsiya ›

---

Annotatsiya

Ushbu maqolada global va milliy ta’lim transformatsiyasi sharoitida “Texnologiya” fani o‘qituvchilarining kasbiy kompetensiyalarini rivojlantirishning metodologik va pedagogik jihatlari tadqiq etiladi. Muallif o‘qituvchining intellektual-ijodiy salohiyatini pedagogik tizimning markaziy elementi sifatida tahlil qilib, uni optimallashtirishning konseptual yo‘nalishlarini asoslab beradi. Maqolada “Texnologiya fani pedagogining shaxsiy va kasbiy o‘sishi o‘rtasidagi dialektik bog‘liqlik, shuningdek, innovatsion faoliyatga psixologik-pedagogik tayyorgarlikning strategik ahamiyati yoritilgan. Keltirilgan xulosalar o‘qituvchilarning kasbiy ehtiyojlarini qondirish va ularning pedagogik habitusini modernizatsiyalashga xizmat qiladi.

Yuklab olish Annotatsiya ›

---

Annotatsiya

Mazkur maqolada umumta’lim maktablari kimyo kursida gaz qonunlari mavzusini o‘qitishda masala yechish metodining o‘quvchilarning mantiqiy fikrlash qobiliyatini rivojlantirishdagi ahamiyati yoritilgan. Gaz qonunlari (Boyl–Mariott, Sharl, Gey-Lyussak qonunlari hamda ideal gaz tenglamasi) mavzusi abstrakt tushunchalarga boy bo‘lib, o‘quvchilarda ularni tushunishda muayyan qiyinchiliklar yuzaga keladi. Shu sababli mavzuni masalalar asosida o‘rgatish o‘quvchilarning tahliliy fikrlashini, solishtirish, xulosa chiqarish va mantiqiy bog‘lanishlarni aniqlash ko‘nikmalarini shakllantirishga xizmat qiladi. Maqolada gaz qonunlariga oid hisoblash va mantiqiy masalalarni bosqichma-bosqich yechish jarayoni, o‘quvchilarning mustaqil fikrlashini faollashtirish usullari hamda amaliy mashg‘ulotlarda qo‘llash mumkin bo‘lgan metodik tavsiyalar bayon etilgan. Masala yechish jarayonida fizik kattaliklar o‘rtasidagi bog‘lanishlarni aniqlash, formulalarni to‘g‘ri tanlash va real hayotiy vaziyatlar bilan bog‘lash orqali o‘quvchilarda fanlararo integratsiya va tanqidiy fikrlash rivojlanadi. Tadqiqot natijalari gaz qonunlari mavzusida masalalar bilan ishlash bilimlarni mustahkamlash va dars samaradorligini oshirishini ko‘rsatadi.

Yuklab olish Annotatsiya ›

---

Annotatsiya

Maqolada bo‘lajak ingliz tili o‘qituvchilarining auto-metodologik ko‘nikmalarini shakllantirishda sun’iy intellekt texnologiyalarining o‘rni va samaradorligi o‘rganilgan. Tadqiqot SI asosidagi fikr-mulohaza tizimlari, avtomatlashtirilgan dars rejalashtirish vositalari va adaptiv ta’lim texnologiyalarining mustaqil metodik rivojlanishga ta’sirini ko‘rsatadi.

Yuklab olish Annotatsiya ›

---

Annotatsiya

Ushbu maqola zamonaviy ta’lim jarayonida metodik kompetentlikni rivojlantirishning ahamiyati, asosiy tamoyillari va usullari haqida ilmiy tahlil qiladi. Metodik kompetentlik o‘qituvchilarning pedagogik faoliyatini samarali tashkil etish, innovatsion texnologiyalarni qo‘llash hamda o‘quvchilarning mustaqil fikrlash qobiliyatini shakllantirishda muhim omil sifatida ko‘riladi. Maqolada zamonaviy ta’limda metodik kompetentlikni oshirish strategiyalari, malaka oshirishdaki yangi yo‘nalishlar va ta’lim sifatini yaxshilashga qaratilgan yondashuvlar taqdim etilgan.

Yuklab olish Annotatsiya ›

---

Annotatsiya

Mazkur maqolada umumiy o‘rta ta’lim maktablarida fizika fanini o‘qitishda kontekstli yondashuv asosida ta’lim jarayonini takomillashtirish masalalari yoritilgan. Fizika fanini real hayotiy vaziyatlar, kasbiy yo‘nalishlar va fanlararo bog‘liqlik asosida o‘qitishning didaktik imkoniyatlari tahlil qilinadi. Kontekstli yondashuvga asoslangan metodikaning o‘quvchilarning bilish faolligi, amaliy kompetensiyalari va mantiqiy tafakkurini rivojlantirishdagi ahamiyati asoslab beriladi. Tadqiqotda taklif etilgan metodik model umumiy o‘rta ta’lim maktablarida fizika ta’limi samaradorligini oshirishga xizmat qiladi.

Yuklab olish Annotatsiya ›

---

Annotatsiya

Ushbu maqolada O‘zbekistonda sovetlar tomonidan amalga oshirilgan yer-suv islohoti va 1929 – 1933-yillardagi yoppasiga kollektivlashtirish siyosati, uning mazmun-mohiyati hamda oqibatlari tahlil qilinadi. Tadqiqotda “quloqlar”ni sinf sifatida tugatish siyosati, dehqon xo‘jaliklarini musodara qilish, surgunlar, majburiy birlashtirish, siyosiy terror va ma’muriy-buyruqbozlik usullarining kuchayishi tarixiy manbalar asosida yoritilgan. Shuningdek, kollektivlashtirishga qarshi O‘zbekiston qishloqlarida kuzatilgan ommaviy noroziliklar, ularning shakllari, ko‘lamlari, sabablari hamda sovet hokimiyati tomonidan qo‘llangan zo‘ravonlik choralarining dehqonlar hayotiga ta’siri ochib beriladi.

Yuklab olish Annotatsiya ›

---

Annotatsiya

Mazkur maqolada tarbiya jarayonida insonparvarlik g‘oyalarini rivojlantirishning tashkiliy-pedagogik asoslari chuqur ilmiy tahlil qilinadi. Tadqiqotda zamonaviy ta’lim muhitida tarbiyaviy faoliyatning mazmuni va samaradorligini oshirishda insonparvarlik yondashuvining o‘rni va ahamiyati asoslab berilgan. Inson shaxsining ijtimoiy, axloqiy va ma’naviy kamolotini ta’minlashda pedagogik jarayonning tashkiliy jihatlari, ta’lim subyektlari o‘rtasidagi hamkorlik va tarbiyaviy muhitning ta’siri alohida ko‘rib chiqiladi. Ilmiy manbalar tahlili, pedagogik kuzatuv va tahliliy yondashuvlar asosida tarbiya jarayonida insonparvarlikni rivojlantirishga xizmat qiluvchi tashkiliy-pedagogik modelning mazmun-mohiyati ochib beriladi. Tadqiqot natijalari ta’lim muassasalarida tarbiyaviy ishlarni takomillashtirish hamda insonparvarlikka asoslangan pedagogik faoliyatni samarali tashkil etishda amaliy ahamiyat kasb etadi.