"Ta'lim va taraqqiyot" ilmiy-uslubiy jurnali 2025-yil 2-soni

Yuklab olish Annotatsiya ›

---

Annotatsiya

Umumta’lim maktab o‘quvchilarida faol fuqarolik pozitsiyasini rivojlantirish orqali yoshlarni fuqarolik ruhida tarbiyalashning ahamiyati va pedagogik-psixologik tahlili haqida so‘z yuritilgan.

Yuklab olish Annotatsiya ›

---

Annotatsiya

Ushbu maqolada qudratli imperiyalardan biri bo’lgan,har sohada o’zidan o’chmas iz qoldira olgan Temuriylar imperiyasi davridagi me’morchilik sohasidagi ayrim me’moriy obidalari va ularning usta me’morlarining faoliyati to’grisida ma’lumotlar berilgan.Ushbu maqola davomida mashhur me’moriy obidalarning kimlar tomonidan bunyod etilganligi,ustalarning mahorati va ularning qay o’lkalardan ekanligiga ham urg’u berib o’tiladi.

Yuklab olish Annotatsiya ›

---

Annotatsiya

Maqolada rus tili darslarida talabalarning matn ko'nikmalarini rivojlantirish muammolari va uslubiy yondashuvlari ko'rib chiqiladi. Maktab o'quvchilari nutqini rivojlantirishning asosiy jihati sifatida matn faolligini tahlil qilishga e'tibor qaratilgan. Mantiqiy fikrlash, nutq savodxonligi, so'z boyligi va ijodkorlikni rivojlantirishga qaratilgan mashqlarning ahamiyati ko'rsatilgan. Matn ko'nikmalarining asosiy turlari ajratib ko'rsatiladi va ularni rivojlantirishga yordam beradigan aniq vazifalar taqdim etiladi.

Yuklab olish Annotatsiya ›

---

Annotatsiya

Ushbu maqolada tilshunoslikning shakllanish jarayonlari tahlil qilinadi. Shu bilan bir qatorda modellar va ularning tilshunoslikka tatbiq etilishi haqida fikrlar yuritiladi. Modellashtirish usullari ko'rib chiqiladi va analiz qilinadi.

Yuklab olish Annotatsiya ›

---

Annotatsiya

Integrativ yondashuv zamonaviy ta’lim tizimida muhim ahamiyat kasb etib, turli fanlar, metodlar va yondashuvlarni yagona рedagogik jarayon doirasida birlashtirishni nazarda tutadi. Bu yondashuv talabalarda nazariy bilim, amaliy ko‘nikmalar va shaxsiy sifatlarni muvozanatli rivojlantirish orqali ularning innovatsion komрetentligini shakllantirishga qaratilgan. Ushbu maqolada, integrativ yondashuv asosida talabalarning innovatsion komрetentligini rivojlantirish metodikasi haqida ma’lumotlar berilgan.

Yuklab olish Annotatsiya ›

---

Annotatsiya

Ushbu ilmiy tadqiqot teskari sinf (Flipped Classroom) formati oliy ta’limda tahsil olayotgan talabalarining mustaqil ta’lim olish qobiliyatini oshirishdagi rolini tahlil qiladi. Tadqiqot ingliz tili ko‘nikmalari talabaning o‘quv yutuqlarida qanday ahamiyatga ega ekanligini ta’kidlaydi. Ingliz tilini ravon bilish, til ko‘nikmalarini chuqur egallash hamda turli ko‘nikmalarda yetuk bo‘lish zarurligi yoritib berilgan. Shuningdek, ingliz tilini o‘rganishda muloqot va kommunikativ kompetensiyalar muhim o‘rin tutishi ko‘rsatib o‘tiladi. Tadqiqot yakunida talabalarni texnologiyadan samarali foydalanishga, standartlashgan metodlarni qo‘llashga hamda flipped classroom va blended learning kabi zamonaviy o‘qitish modellari orqali til ko‘nikmalarini rivojlantirishga rag‘batlantirish zarurligi xulosalanadi. Talabalarni dars jarayonida faol ishtirok etishga undash uchun ularning mustaqil ta’lim olish ko‘nikmalarini maqsadli metodik yondashuvlar orqali shakllantirish zarur. Hozirgi kunda ko‘plab xalqaro oliy ta’lim muassasalarida "Flipped Classroom" modeli asosida ta’lim tashkil etilmoqda.

Yuklab olish Annotatsiya ›

---

Annotatsiya

Ushbu maqolada ta’lim jarayonida intellektual yondashuvning tabiiy fanlarga qiziqishni oshirishdagi ahamiyati tahlil qilingan bo’lib, intellektual yondashuvning o‘quvchilarda mustaqil fikrlash, tanqidiy yondashuv va kreativ qarorlar qabul qilishni rivojlantirishdagi ahamiyati ko‘rib chiqilgan. Maqolada o‘qituvchining o’rni va ahamiyati ham alohida ta’kidlanadi, chunki o‘qituvchining metodik mahorati va innovatsion yondashuvlari o‘quvchilarda ilmiy tafakkurni rivojlantirish va qiziqishni oshirishda muhim omil hisoblanadi. Tadqiqotlar va metodik yondashuvlarning tahlili o‘quvchilarning tabiiy fanlarga qiziqishini oshirishda intellektual yondashuvning samarali qo‘llanilishi mumkinligini ko‘rsatadi.

Yuklab olish Annotatsiya ›

---

Annotatsiya

O‘quvchilarning adabiyot darslarida ishtirok etishi tanqidiy fikrlash, ijodkorlikni rivojlantirish va adabiy asarlarni chuqurroq qadrlash uchun zarurdir. Ushbu tadqiqot interfaol o‘qitish metodologiyalari, madaniy ahamiyatga ega materiallar va hamkorlikdagi o‘quv muhitlariga e’tibor qaratgan holda talabalar o‘rtasida faol ishtirokni rag‘batlantirish strategiyalarini o‘rganadi. Uchta universitetda o'tkazilgan tadqiqotlar natijalari talabalarning ishtiroki va akademik yutuqlarining sezilarli yaxshilangani orqali ushbu yondashuvlarning samaradorligini tasdiqlaydi. Keng qamrovli metodologiyadan foydalangan holda, ushbu tadqiqot o‘qituvchilar uchun o‘zlarining adabiyot sinflarini jonli ta’lim markazlariga aylantirishni maqsad qilgan amaliy tushunchalarni beradi.

Yuklab olish Annotatsiya ›

---

Annotatsiya

Ushbu maqolada ma’naviy-ma’rifiy kompetensiyalarni takomillashtirish jarayonida falsafiy tahlil metodining o‘ziga xos ahamiyati yoritiladi. Jamiyatda yoshlar ma’naviyatini yuksaltirish, ularda umumbashariy qadriyatlarga asoslangan ongni shakllantirish har bir ta’lim muassasasining ustuvor vazifalaridan biridir. Shu nuqtai nazardan, talaba yoshlarda ma’naviy-ma’rifiy kompetensiyalarni rivojlantirish ularning kelajakda jamiyatda mustaqil fikrlaydigan, taraqqiyot jarayonlarida faol qatnashadigan shaxs sifatida kamol topishi uchun muhim shart-sharoit yaratadi. Zero, ma’naviy-ma’rifiy kompetensiya bir vaqtning o‘zida intellektual, axloqiy va estetik kamolotni qamrab oladi. Falsafiy tahlil metodi talabalarda butun olam haqida teran tushuncha hosil qilishga ko‘maklashadi, chunki u bilim yo‘nalishlari o‘rtasida uzviy bog‘lanish o‘rnatish, voqelikni tanqidiy ko‘rib chiqish, ma’naviy qadriyatlarni ilmiy asosda muhokama qilish imkonini beradi. Mazkur metod inson hayoti, jamiyat taraqqiyoti va axloq normalari bo‘yicha chuqur fikr yuritish asosida fikrlashni sayqallash, qarashlar uyg‘unligi va daxldorlik hissini paydo qiladi. Shu bilan birga, mazkur yondashuv talabalarni obyektiv dalillar asosida xulosa chiqarishga, turli masalalarda xolis pozitsiyani egallashga rag‘batlantiradi. Natijada, talabalar shaxsiy ma’naviy ongini boyitish bilan bir qatorda jamiyatda yuqori ma’naviy muhit shakllanishiga hissa qo‘shadilar.

Yuklab olish Annotatsiya ›

---

Annotatsiya

Ushbu maqolada boshlang‘ich tayyorgarlik bosqichida bo‘lgan yosh basketbolchilarning psixologik diagnostika natijalari yoritilgan. Tadqiqotda Namangan viloyatidagi ixtisoslashtirilgan bolalar va o‘smirlar sport maktabida tahsil olayotgan 10–12 yoshdagi sportchilar ishtirok etishdi. Diagnostika diqqat, intellekt, irodaviy fazilatlar va xavotirlik darajasi kabi psixologik ko‘rsatkichlarni qamrab oldi. Eksperimental guruh ushbu fazilatlarni rivojlantirishga yo‘naltirilgan mashqlarni bajardi, nazorat guruhi esa standart dastur asosida mashg‘ulotlarni davom ettirdi. To‘rt haftadan so‘ng qayta test sinovlari o‘tkazildi. Natijalar shuni ko‘rsatdiki, eksperimental guruh barcha ko‘rsatkichlar bo‘yicha ijobiy dinamikani namoyon etdi. Guruhlar o‘rtasida statistik jihatdan ishonchli farqlar aniqlangan. Olingan natijalar yosh basketbolchilarni tayyorlash tizimini rejalashtirishda, tanlab olish bosqichida yondashuvlarni individuallashtirishda, shuningdek, O‘zbekistondagi sport maktablari amaliyotida psixodiagnostik monitoringni joriy etish bo‘yicha tavsiyalar ishlab chiqishda qo‘llanishi mumkin.