"Ta'lim va taraqqiyot" ilmiy-uslubiy jurnali 2025-yil 2-soni

Yuklab olish Annotatsiya ›

---

Annotatsiya

Ushbu maqolada informatsion-analitik kompetentlikning ta’lim tizimidagi ahamiyati va uning kelajakdagi o‘qituvchilar faoliyatida tutgan o‘rni tahlil qilingan. Zamonaviy ta’lim tizimida informatsion-analitik kompetentlik o‘qituvchining eng muhim kasbiy ko‘nikmalaridan biri sifatida qaralmoqda. Bu kompetentlik nafaqat ma’lumotlarni yig‘ish, tahlil qilish va to‘g‘ri xulosalar chiqarishni, balki ta’lim jarayonini samarali tashkil etish va boshqarishda innovatsion yondashuvlarni joriy etishni ham o‘z ichiga oladi. Jamiyatning raqamlashuvi, axborot texnologiyalarining rivojlanishi kelajakdagi o‘qituvchilardan yangi turdagi bilim va salohiyat talab qilishini anglatadi. Ushbu jarayonda o‘qituvchi nafaqat bilim beruvchi, balki tahlilchi, tadqiqotchi va mutaxassis sifatida faoliyat yuritishi lozim. Maqolada kelajakdagi o‘qituvchilar tayyorlov jarayonida bu kompetentlikni samarali shakllantirish uchun ta’lim dasturlarini qayta ko‘rib chiqish va amaliy yo‘naltirilgan pedagogik texnologiyalarni joriy etish lozimligi ta’kidlanadi.

Yuklab olish Annotatsiya ›

---

Annotatsiya

Ushbu maqolada yoshlarning ilm-fan va texnologiyalardagi rolini oshirish, shuningdek, ta’lim jarayonida innovatsion texnologiyalarning ahamiyati muhokama qilinadi. Zamonaviy texnologiyalarning, jumladan interfaol metodlar, multimedia, kompyuter dasturlari va virtual laboratoriyalarning kimyo fanini o’qitishdagi o’rni tahlil qilinadi. O’quvchilarning kimyo faniga bo’lgan qiziqishini oshirish, o’qituvchilarga o’quv jarayonini zamonaviy texnologiyalar bilan boyitish va bilimlarni samarali o’zlashtirish uchun interaktiv usullarni qo’llash zarurligi ko’rsatilgan. Shuningdek, texnologiyalarning yordamida o’qitish jarayonida ilg’or metodlar va axborot-kommunikatsiya vositalaridan foydalanish natijasida ta’lim sifatining oshishi mumkinligi haqida ma’lumot berilgan.

Yuklab olish Annotatsiya ›

---

Annotatsiya

Futzal - bu o‘yinchilardan yuqori texnik jihozlanganlik va taktik moslashuvchanlikni talab qiladigan dinamik sport turi. Ushbu maqolada futzal bo‘yicha talaba futbolchilarning texnik-taktik harakatlari (TTH) tahlil qilinadi, o‘yinchilar samaradorligining asosiy ko‘rsatkichlari ko‘rib chiqiladi va ularni baholash usullari taklif etiladi.

Yuklab olish Annotatsiya ›

---

Annotatsiya

Ushbu maqolada boshlang‘ich sinflarda raqamli texnologiyalarni tatbiq etish orqali savodxonlikni rivojlantirish masalasi ko‘rib chiqilgan. Xususan, Qiyosiy Kompetensiya (QK) topshiriqlari asosida o‘quvchilarning funksional savodxonligini oshirishga qaratilgan didaktik va metodologik yondashuvlar tahlil qilingan. Ilmiy tadqiqotlar va xalqaro tajribalar asosida raqamli vositalarning o‘qitish samaradorligiga ta’siri asoslab berilgan.

Yuklab olish Annotatsiya ›

---

Annotatsiya

Ushbu maqolada boshlang‘ich sinflarda matematika fanini o‘qitishda videodarslar va interaktiv slaydlarning pedagogik samaradorligi, ularning didaktik imkoniyatlari va o‘quvchilarda matematik kompetensiyalarni shakllantirishdagi roli yoritilgan. XXI asr ta’limida raqamli texnologiyalar asosida yaratilgan ta’lim vositalarining ahamiyati ortib borayotgan bir paytda, ayniqsa videodars va interaktiv slaydlar orqali o‘qitish usullari boshlang‘ich ta’limda fan mazmunini chuqurroq anglash, vizual idrokni rivojlantirish hamda qiziqishni kuchaytirish imkonini beradi. Maqola O‘zbekiston Respublikasi "Ta’lim to‘g‘risida"gi Qonuni, PISA va UNESCO tavsiyalari hamda rus, ingliz, o‘zbek tilidagi zamonaviy ilmiy manbalar asosida tayyorlangan.

Yuklab olish Annotatsiya ›

---

Annotatsiya

Ushbu ilmiy maqola, talabalarni xalq og‘zaki ijodi vositasida vatanparvarlik ruhida tarbiyalashning pedagogik shart-sharoitlarini o‘rganishga qaratilgan. Maqolada, xalq og‘zaki ijodining tarbiyaviy kuchi, uning milliy va ma’naviy qadriyatlarni yoshlarga singdirishdagi o‘rni va pedagogik jarayonlarda qanday samarali ishlatilishi mumkinligi tahlil qilinadi. Talabalar orasida vatanparvarlikni rivojlantirish uchun xalq og‘zaki ijodining afzalliklari va uning tarbiya jarayoniga qo‘shadigan hissasi ko‘rsatilgan. Maqolada pedagogik amaliyot, xalq og‘zaki ijodining turli janrlarini o‘rganish va ularni dars jarayonlariga integratsiya qilish usullari tavsiya etilgan. Tadqiqot shuningdek, vatanparvarlikni mustahkamlash uchun aniq pedagogik shart-sharoitlar, o‘qituvchilarning metodik faoliyati va talabalar bilan ishlashda ko‘rsatilgan samarali strategiyalarni o‘z ichiga oladi.

Yuklab olish Annotatsiya ›

---

Annotatsiya

Maqolada rivojlangan davlatlarda bo‘lajak tarbiyachilar uchun sun’iy intellekt texnologiyalaridan foydalanish kompetensiyalarini shakllantirish amaliyoti tahlil qilinadi. AQSH, Finlyandiya, Singapur, Janubiy Koreya va Avstraliya tajribalari asosida malaka talablarida SI sohasi bo‘yicha bilim, etik me’yorlar va amaliy ko‘nikmalarga bo‘lgan ehtiyoj aniqlanadi. O‘zbekistondagi amaldagi malaka talablari bilan qiyosiy tahlil o‘tkazilib, AI kompetensiyalarini rivojlantirish uchun takliflar berilgan.

Yuklab olish Annotatsiya ›

---

Annotatsiya

mazkur maqola kurashchilarni kuch ko‘rsatkichlarini rivojlantirish metodikasini takomillashtirish hamda musobaqa faoliyatiga tayyorlashda muskullarning miometrik, pliometrik, izometrik va auksotonik ishlash tartibini inobatga olgan holda kuch sifatini ya’nada rivojlantirish yuzasidan taklif va tavsiyalar ishlab chiqilgan bo‘lib, bunda mashqlarning hajmi, intensevligi, dam olish oralig‘i intervallari keltirilib, tadqiqot va nazorat guruhi natijalari o‘rganilib taxliliy xulosalar keltirilgan.

Yuklab olish Annotatsiya ›

---

Annotatsiya

Ushbu maqolada o’qitish metodologiyasi va tashkiliy jihatlari, ilmiy uslub va yozish malakalari, muhit ve resurslari bilan magistrlik faoliyatini tubdan o’zgarib borishi bo’yicha ilmiy xulosalar va tavsiyalar ishlab chiqilgan.

Yuklab olish Annotatsiya ›

---

Annotatsiya

Maqolada o‘sib borayotgan ekologik inqiroz sharoitida ekologik ta’lim jamiyat barqaror rivojlanishining asosiy elementi sifatida alohida ahamiyatga ega ekanligi yoritib berilgan. Ekologik fanlarni o‘qitishda innovatsion texnologiyalardan foydalanishning ayrim xususiyatlari ko‘rsatib berilgan.