"Ta'lim va taraqqiyot" ilmiy-uslubiy jurnali 2026-yil 4-son

Yuklab olish Annotatsiya ›

---

Annotatsiya

Maqolada o‘zbek fantastik adabiyotini yagona mafkuraviy mezon asosida emas, balki o‘zaro bog‘liq uch parametr: g‘ayritabiiy unsur¬ning ontologik maqomi, ijtimoiy-mafkuraviy kontekst va janrning institutsionallashuv darajasi asosida davrlashtirish taklif etiladi. Shu asosda mifologik-folklor qatlamidan raqamli davrgacha bo‘lgan oltita taraqqiyot bosqichi ajratiladi. Har bir bosqich tegishli G‘arb nazariy modellari (V. Jirmunskiy, V. Propp, T. Todorov, D. Suvin, R. Jekson), shuningdek, o‘zbek va ingliz adabiyotining muayyan asarlari — “Alpomish” va “Go‘ro‘g‘li” eposlari, Alisher Navoiyning “Lison ut-tayr” dostoni, X. Shayxov qissalari, X. To‘xtaboyev romani, Tog‘ay Murod hamda Isajon Sulton asarlari bilan qiyosiy jihatdan ko‘rib chiqiladi.

Yuklab olish Annotatsiya ›

---

Annotatsiya

Мазкур мақолада глобаллашув ва рақамли трансформация шароитида мактаб таълими кластери субъектларининг функционал бошқарув тизимини такомиллаштириш масалалари ёритилган. Анъанавий бошқарув тизимларининг камчиликлари таҳлил қилиниб, горизонтал интеграция ва синергетик ёндашувга асосланган тўрт босқичли янги ташкилий модель таклиф этилган. Жаҳон ва миллий олимларнинг тадқиқотлари асосида кластер субъектлари ўртасидаги вазифалар тақсимоти, интеграцион координация механизмлари ҳамда Big Data ва рақамли платформалар ёрдамида бошқарув самарадорлигини ошириш йўллари асослаб берилган.

Yuklab olish Annotatsiya ›

---

Annotatsiya

Mazkur maqolada raqamli ta’lim muhitida badiiy matnlarni tahlil qilish jarayoniga globallashuv omillarining ta’siri ilmiy manbalar asosida tahlil qilingan. Tadqiqotda tahlil va sintez, qiyosiy tahlil, tizimli yondashuv hamda pedagogik kuzatish metodlaridan foydalanildi. Elektron ta’lim platformalari, raqamli kutubxonalar va multimedia resurslari hamda va sun’iy intellekt vositalaridan foydalanishda talabalarning tanqidiy fikrlash, qiyosiy va madaniyatlararo tahlil qilish ko‘nikmalarini rivojlantirishdagi imkoniyatlari yoritilgan. Tadqiqot natijasida “Qiyosiy tahlil” metodi asosida amaliy tavsiyalar ishlab chiqilgan.

Yuklab olish Annotatsiya ›

---

Annotatsiya

Mazkur maqolada tarixiy she’riy dramalar vositasida bo‘lajak aktyorlarning badiiy nutqini rivojlantirishning pedagogik asoslari ilmiy jihatdan tahlil qilinadi. Shuningdek, maqolada Maqsud Shayxzodaning “Mirzo Ulug‘bek”, Uyg‘un va Izzat Sultonlarning “Alisher Navoiy” hamda Abdulla Oripovning “Sohibqiron” kabi tarixiy she’riy asarlari misolida aktyorlik mahoratini takomillashtirish imkoniyatlari ochib beriladi. Undan tashqari, tarixiy she’riy dramalarning sahna san’ati va teatr ta’limidagi o‘rni, ularning aktyor nutq madaniyatini shakllantirishdagi imkoniyatlari hamda pedagogik jarayonda qo‘llaniladigan samarali metod va yondashuvlar yoritilgan.

Yuklab olish Annotatsiya ›

---

Annotatsiya

Ushbu maqolada bo‘lajak maxsus pedagoglarning — kelajakda rivojlanishida nuqsoni bo‘lgan bolalar bilan ishlash taqdiriga o‘z umrini bag‘ishlaydigan defektologlarning — kasbiy mas’uliyatini shakllantirishga ta’sir etuvchi shart-sharoitlar ilmiy-pedagogik jihatdan tahlil etiladi. Shart-sharoitlarni uch guruhga ajratiladi: tashqi muhit, ichki shaxsiy omillar va o‘quv jarayonining didaktik tuzilishi.

Yuklab olish Annotatsiya ›

---

Annotatsiya

Bugungi globallashuv sharoitida qurilish muhandisligi mutaxassislarining kasbiy faoliyatida xorijiy tillarni, ayniqsa ingliz tilini mukammal egallashi muhim ahamiyat kasb etmoqda. Mazkur maqolada qurilish muhandisligi yo‘nalishi talabalarining og‘zaki nutq kompetensiyasini differensiallashtirilgan yondashuv asosida rivojlantirish metodikasi yoritilgan. Tadqiqot davomida ESP (English for Specific Purposes) fanini o‘qitishda differensial topshiriqlar, kommunikativ metodlar, loyiha asosida o‘qitish, autentik kasbiy vaziyatlar hamda zamonaviy pedagogik texnologiyalarning samaradorligi o‘rganildi. Natijalar differensiallashtirilgan ta'lim talabalarning kasbiy muloqot ko'nikmalarini, erkin fikrlashini, kasbiy terminologiyani qo'llashini va ingliz tilida texnik muloqot olib borish kompetensiyasini sezilarli darajada rivojlantirishini ko'rsatdi.

Yuklab olish Annotatsiya ›

---

Annotatsiya

Mazkur maqolada pedagogik oliy ta’lim muassasalarida innovatsion ilmiy-tadqiqot muhitini rivojlantirishning nazariy va tashkiliy-pedagogik jihatlari tahlil qilingan. Ilmiy-tadqiqot muhitining mazmuni, asosiy tarkibiy qismlari hamda uning samaradorligiga ta’sir ko‘rsatuvchi institutsional, ilmiy-metodik, infratuzilmaviy, kommunikativ va qadriyatli omillar aniqlashtirilgan. Innovatsion ilmiy-tadqiqot muhitini rivojlantirishning strategik boshqaruvni takomillashtirish, zamonaviy ilmiy infratuzilmani yaratish, fanlararo hamkorlikni kuchaytirish, yosh tadqiqotchilarni ilmiy loyihalarga jalb etish, ilmiy rahbarlikning kollegial shakllarini joriy qilish, akademik halollikni ta’minlash hamda ilmiy natijalarni ta’lim amaliyotiga transfer qilish kabi ustuvor yo‘llari asoslangan. Shuningdek, ilmiy muhit samaradorligini kompleks baholash va muntazam monitoring qilish bo‘yicha amaliy tavsiyalar ishlab chiqilgan.

Yuklab olish Annotatsiya ›

---

Annotatsiya

Mazkur maqolada ichki migrant talabalarning ta’lim jarayonida ijtimoiy faolligini oshirish orqali ularning fuqarolik pozitsiyasini mustahkamlash yo‘llari nazariy va amaliy jihatdan tahlil etilgan. Tadqiqotda ichki migratsiya sharoitida tahsil olayotgan talabalarning ijtimoiy moslashuvi, fuqarolik ongining rivojlanishi hamda ta’lim muhitining tarbiyaviy salohiyati o‘rtasidagi o‘zaro bog‘liqlik ochib berilgan. Aksiologik, shaxsga yo‘naltirilgan va kompetensiyaviy yondashuvlar asosida talabalarning ijtimoiy faolligini rivojlantirishga xizmat qiluvchi pedagogik mexanizmlar asoslab berilgan.

Yuklab olish Annotatsiya ›

---

Annotatsiya

Mazkur maqolada sport sohasidagi islohotlarning yurtimiz jamiyatimiz hayotidagi o‘rni asoslangan va tahlil qilingan. Shuningdek, sportni rivojlantirishdagi muhim islohotlar ko‘rib chiqilgan.

Yuklab olish Annotatsiya ›

---

Annotatsiya

: Ushbu maqolada 8-sinf "O‘zbekiston tarixi" darsligining "Amir Temur va Temuriylar davri" mavzularida mahalliy tarixiy manbalardan foydalanish holati va ularning didaktik imkoniyatlari tadqiq etilgan. Darslikda keltirilgan manbalar mazmuniy va metodik jihatdan tahlil qilinib, ularni o‘qitishda muammoli ta’lim, qiyosiy tahlil, keys va matn sharhi kabi zamonaviy metodlarni qo‘llash imkoniyatlari ko‘rib chiqilgan. Tadqiqot natijasida mahalliy tarixiy manbalardan foydalanishning metodik imkoniyatlari umumlashtirilib, o‘quvchilarning manba bilan ishlash, tanqidiy fikrlash hamda tarixiy kompetensiyalarini shakllantirishga qaratilgan amaliy tavsiyalar va xulosalar ishlab chiqilgan.