"Ta'lim va taraqqiyot" ilmiy-uslubiy jurnali 2025-yil 2-soni

Yuklab olish Annotatsiya ›

---

Annotatsiya

Maqolada Natural Approach usuli ingliz tilini o‘rganishda samarali yondashuv sifatida ko‘rib chiqiladi, u tabiiy o‘zlashtirish, xavotirni kamaytirish va nutqni tushunishga e'tibor qaratish prinsiplariga asoslanadi. Ushbu usulning afzalliklari, ko‘p tilli muhitda amalga oshirilishi va xorijiy hamda mahalliy amaliyotlarda muvaffaqiyatli qo‘llanilishiga oid misollar tahlil qilinadi. Maxsus e'tibor silent period (sukunat davri) va o‘qituvchining fasilitator sifatidagi roli kiritilgan. O‘rganishlar natijalari va usulni O‘zbekistonda moslashtirish bo‘yicha tavsiyalar taqdim etilgan.

Yuklab olish Annotatsiya ›

---

Annotatsiya

Ushbu maqola, geo-informatsion tizimlar (GIT) orqali kartografiya bo‘yicha kompetentsiyalarni mustahkamlash metodikasini o‘rganishga qaratilgan. Maqolada GITning ta’lim jarayonidagi o‘rni, uning kartografik ko‘nikmalarni rivojlantirishdagi ahamiyati va zamonaviy pedagogik yondashuvlar keltiriladi hamda GIT yordamida talabalarga kartografiyaning nazariy asoslarini o‘zlashtirish va amaliy ko‘nikmalarni shakllantirish jarayonlariga qaratilgan. Maqolada interaktiv o‘qitish usullari, vizualizatsiya texnologiyalari va muammoli vaziyatlarni yechish orqali talabalarning mustaqil fikrlash qobiliyatini rivojlantirish usullari tahlil qilinadi. Shuningdek, maqolada GIT platformalaridan foydalanish orqali kartografik ma’lumotlarni yaratuvchi va tahlil qiluvchi kompetentsiyalarni shakllantirishning samaradorligi isbotlanadi. O‘qituvchilar uchun tavsiya etilgan metodologiyalar va amaliy mashg‘ulotlar taqdim etiladi, bu esa pedagogik jarayonda innovatsion yondashuvlarni qo‘llash imkonini beradi.

Yuklab olish Annotatsiya ›

---

Annotatsiya

Ushbu maqolada chaqiriqqacha harbiy ta’lim yo‘nalishidagi talabalarni ekstremal kompetentlikka yo‘naltirishda motivlashtirishning o‘rni va ahamiyati tahlil qilinadi. Ekstremal vaziyatlarda to‘g‘ri qaror qabul qilish, tezkor fikrlash va stressga bardoshlilik kabi ko‘nikmalarni shakllantirishda motivatsiyaning ta’siri yoritiladi. Shuningdek, ta’lim muassasalarida raqobatbardosh muhitni shakllantirish, o‘qituvchilarning kasbiy o‘sishi va ushbu jarayonda samarali motivlashtirish vositalaridan foydalanish zarurligi asoslab berilgan.

Yuklab olish Annotatsiya ›

---

Annotatsiya

Ushbu maqolada XXI asr ta’limi oldiga qo‘yilgan yangi talablar — talabalarning mantiqiy fikrlashi, muammoli vaziyatlarda mustaqil qaror qabul qilish va izchil tahlil yuritish kompetensiyalarini shakllantirish masalasi tahlil etiladi. An’anaviy metodik yondashuvlarning yetarli emasligi sababli, o‘quv jarayoniga zamonaviy raqamli texnologiyalarni integratsiyalash, interaktiv va moslashuvchan elektron vositalar orqali mantiqiy kompetensiyani rivojlantirish dolzarb bo‘lib bormoqda. Maqolada “E-LogicComp” ilmiy modeli va “LogiLearn” raqamli platformasi asosida yaratilgan yangi metodik yechimlar bayon qilinib, ularning samaradorligi amaliy tajriba orqali asoslab beriladi. Ushbu yondashuvlar xalqaro miqyosda tatbiq etilishi mumkin bo‘lgan innovatsion uslubiy echimlar sirasiga kiradi.

Yuklab olish Annotatsiya ›

---

Annotatsiya

Tаlаbаlаrdа ilmiy dunyоqаrаshni shаkllаntirish zаmоnаviy tа'limning аsоsiy mаqsаdi bо'lib, tаnqidiy fikrlаsh, оqilоnа qаrоrlаr qаbul qilish vа dunyоni dаlillаrgа аsоslаngаn tushunishni rivоjlаntirish uchun zаrurdir. Ushbu mаqоlаdа fаlsаfаning о‘quvchilаrning ilmiy dunyоqаrаshini rivоjlаntirishdа qо‘llаnilаdigаn usullаrni tаkоmillаshtirishdа kuchli реdаgоgik vоsitа sifаtidаgi imkоniyаtlаri о‘rgаnilаdi. Klаssik vа zаmоnаviy fаlsаfiy fikr, tа'lim nаzаriyаsi vа fаnlаrаrо аmаliyоtgа tаyаngаn hоldа, tаdqiqоt fаlsаfiy usullаrni fаn tа'limigа intеgrаtsiyа qilish uchun аsоsni tаklif qilаdi. Mаntiqiy fikrlаsh, kоntsерtuаl tushunish vа gnоsеоlоgik оngni rivоjlаntirishning sаmаrаli vоsitаlаri sifаtidа diаlоgik tа'limning о'rni, mеtаkоgnitiv strаtеgiyаlаr, аxlоqiy fikrlаsh vа klаssik mаtnlаrdаn fоydаlаnish tа'kidlаngаn. Mаqоlаdа, shuningdеk, kоgnitiv nаtijаlаrni yаxshilаshdа fаlsаfаgа аsоslаngаn tа'limning sаmаrаdоrligini tаsdiqlоvchi еmрirik dаlillаr kо'rib chiqilаdi. Оxir оqibаt, tаdqiqоt shuni tа'kidlаydiki, yаxshi tuzilgаn fаlsаfiy аsоs ilmiy tа'limni bоyitаdi, о'quvchilаrgа zаmоnаviy dunyоning murаkkаbliklаridа hаrаkаt qilish uchun zаrur bо'lgаn intеllеktuаl vоsitаlаr vа аxlоqiy yо'nаlishlаrni bеrаdi.

Yuklab olish Annotatsiya ›

---

Annotatsiya

Maqolada boshlang'ich maktab yoshidagi bolalarda rus va o'zbek xalq ertaklaridan og'zaki ifodali rus nutqini rivojlantirish va shakllantirish vositasi sifatida foydalanish muammosi ko'rib chiqiladi. Ertaklarning o‘quvchilar nutqiga ta’siri va u bilan darsda ishlashni tashkil etish usullarini atroflicha tahlil qilishga alohida e’tibor beriladi. Xususan, ushbu folklor janridan foydalanish orqali shakllanadigan nutqiy kompetensiyalar ko'rib chiqiladi. Boshlang'ich maktab yoshidagi bolalarda xalq ertaklari yordamida og'zaki nutqni rivojlantirish bo'yicha tadbirlar majmuasini, shuningdek, og'zaki nutqning prozodik tomonini shakllantirishga ko'proq hissa qo'shadigan mashg'ulotlar shakllarini o'z ichiga olgan ish bosqichlari tavsiflanadi va tahlil qilinadi.

Yuklab olish Annotatsiya ›

---

Annotatsiya

Ushbu maqolada talabalarning frazeologik kompetensiyasini takomillashtirishda mashqlar tizimining samaradorligi tahlil qilinadi. Tadqiqotda frazeologik birliklarning o‘rganilishida nazariy yondashuv va amaliy mashqlarni qo‘llashning o‘rni katta ekani ko‘rsatilgan. Mashqlar tizimi talabalarning frazeologik birliklarni to‘g‘ri tushunish, nutqda samarali qo‘llash va ularning madaniy, semantik xususiyatlarini anglashda yordam beradi. Tajriba natijalari talabalar frazeologik birliklarni tanib olish va ularni o‘z nutqida muvaffaqiyatli qo‘llashda sezilarli yutuqlarga erishganini ko‘rsatadi. Shuningdek, maqolada frazeologik kompetensiyani rivojlantirishda zamonaviy pedagogik metodlar va texnologiyalarni qo‘llashning ahamiyati ham ta’kidlanadi.

Yuklab olish Annotatsiya ›

---

Annotatsiya

Ushbu maqolada internet savodxonligi tushunchasining mohiyati, uning zamonaviy ta’lim jarayonidagi ahamiyati va o‘quvchilarda ushbu kompetensiyani shakllantirish yo‘llari tahlil qilingan. Maqolada ta’lim muassasalarida internetdan samarali va xavfsiz foydalanish, tanqidiy fikrlashni rivojlantirish hamda raqamli madaniyatni shakllantirish uchun zarur bo‘lgan pedagogik imkoniyatlar va shart-sharoitlarni yoritilgan. Shuningdek, mavzuga oid ilg‘or pedagogik yondashuvlar ham ko‘rib chiqilgan.

Yuklab olish Annotatsiya ›

---

Annotatsiya

ushbu maqolada ritmikaning ta’lim jarayonida va yoshlarning tarbiyasidagi o‘rni tahlil qilinadi. Maqolada, ritmikaning yoshlar estetik va jismoniy rivojlanishiga, shuningdek, pedagogik metodlar orqali musiqiy faoliyatning tarbiyaviy ahamiyatiga ta’siri o‘rganiladi. Tadqiqotda, ritmikaning yoshlarning ruhiy va axloqiy tarbiyasida qanday muhim vosita bo‘lishi ko‘rsatilgan. Maqola, ritmikaning ta’lim tizimiga integratsiyalashuvi va uning samarali pedagogik usullar yordamida yoshlarning ijtimoiy mas’uliyatini rivojlantirishdagi o‘rni haqida muhim ilmiy yangiliklar o‘rganiladi.

Yuklab olish Annotatsiya ›

---

Annotatsiya

Ushbu mаqоlаdа O‘zbekistonning yangilanish davrida talabalarda milliy qadriyatlar tarixini o‘rganishga bo‘lgan ehtiyojning ortib borayotgani, bu borada ta’lim jarayonida qo‘llanilayotgan metodikalarning samaradorligini oshirish zarurati, shuningdek, milliy qadriyatlarni chuqur anglash orqali yoshlar qalbida vatanparvarlik, g‘urur va o‘zlikni anglash hissini shakllantirishda didaktik imkoniyatlardan foydalanish yo‘llari yoritilgan.