"Ta'lim va taraqqiyot" ilmiy-uslubiy jurnali 2025-yil 1-son

Yuklab olish Annotatsiya ›

---

Annotatsiya

Ushbu tadqiqot zamonaviy texnologiyalarning 5 va 6-sinf o'quvchilari orasida grammatik malakalarni rivojlantirishdagi samaradorligini o'rganadi. Namangan shahridagi 7-maktabda o'tkazilgan tadqiqotda kontekstual o'qitish, o'yinlashtirilgan yondashuv va raqamli vositalar yordamida qo'llab-quvvatlangan aniq o'qitish texnikalari o'rganildi. Kontekstual o'qitish grammatikani o'qish va yozish vazifalariga integratsiya qildi, o'yinlashtirilgan yondashuv interaktiv o'yinlar va viktorinalar orqali o'quvchilarni jalb qildi, va aniq o'qitish murakkab grammatik mavzular uchun vizual ko'rgazmalar va multimedia vositalaridan foydalandi. Tadqiqot eksperimental yondashuv asosida tashkil etilib, har sinfda 30 o'quvchi ikkita guruhga bo'lindi: biri an'anaviy usullar bilan, ikkinchisi esa texnologiyalarga asoslangan usullar yordamida o'qitildi. Natijalar shuni ko'rsatdiki, eksperimental guruhlar grammatik malakalar, ishtirok etish va qo'llash ko'nikmalari bo'yicha an'anaviy guruhlarga nisbatan yuqori natijalarga erishdi. Ushbu maqola grammatikani o'qitishda raqamli vositalar va interaktiv usullar kognitiv xilma-xillikni qanday hal qilishini, ishtirokni oshirishini va umrbod til ko'nikmalarini rivojlantirishini yoritadi.

Yuklab olish Annotatsiya ›

---

Annotatsiya

Yetakchi pedagogik tadqiqotlarga ixtisoslashgan markazlarda amalga oshilayotgan ishlar eʼtirof etilgan holda fanlararo aloqadorlik asosida o‘qitish jarayonining samaradorligini oshirish masalalariga etibor qaratilgan boʻlib, mashhur olimlarning ilmiy-metodik ishlari fanlararo aloqadorlikka bergan taʼriflari ushbu maqolada oʻrganib chiqilgan. Fanlararo ta’lim konsepsiyalari, didaktik va metodik yondashuvlar tahlil qilinib, ularning fizika darslarida qo‘llanilishi o‘rganilgan va tadqiqot natijalariga ko‘ra uning taʼrifi hamda fanlararo aloqadorlik asosida oʻqitish jarayonini tashkil etish sxematik koʻrinishi berilgan. Fizikani fanlararo aloqadorlik asosida oʻqitish samaradorligini oshirishning axborot-metodik taʼminoti va “Tabiiy fanlar” fani orqali oʻrganilgan fizik bilimlar va ularni fanlararo aloqadorligini taʼminlash, oʻquvchilarning olgan bilimlari kelajakda kasb tanlashlarida yordam berishi, pedagogik jarayondagi integratsiya intensivligini oshirish boʻyicha fizik bilimlarni turdosh fanlar bilimlari bilan tushuntirish orqali oʻquvchilarda ilmiy xabardorlik kompetensiyasini rivojlantirish va uning oʻqitish samaradorligini oshirish fanlar integratsiyasi asosida takomillashtirish haqidagi tajribalari yoritilgan. Fizika fanini boshqa tabiiy va aniq fanlar bilan integratsiyalash orqali o‘quvchilarning bilish faolligi va fizik tafakkuri rivojlanishi ta’lim jarayonini yanada samarali va qiziqarli qilish imkonini berishi, olingan ilmiy natijalar asosida fizika ta’limining sifatini oshirishi, olib borilgan tajriba - sinov ishlarining matematik taxlili va erisilgan samaradorlik bayon etilgan.

Yuklab olish Annotatsiya ›

---

Annotatsiya

Mazkur maqolada milliy kontent tushunchasi va uning oliy ta’lim tizimidagi o‘rni tahlil qilinadi. Tadqiqotda milliy kontentni pedagogika ta'limi jarayoniga integratsiyalashning metodologik asoslari va amaliy jihatlari tadqiq etilgan. Maqolada milliy kontentning talabalarning milliy qadriyatlar, madaniyat va tarix bilan tanishishidagi ahamiyati, shuningdek, ta'lim sifatini oshirishdagi ahamiyati ko‘rsatilgan. Tadqiqot natijalari milliy kontentni ta’lim tizimiga samarali integratsiya qilish uchun pedagogik yondashuvlarni takomillashtirish zarurligini ko‘rsatadi.

Yuklab olish Annotatsiya ›

---

Annotatsiya

Maqolada boshlang‘ich sinf o‘qituvchilarida mas’uliyatni rivojlantirishning klasterli yondashuvi muhokama qilingan. Klasterli yondashuv, o‘qituvchilarni pedagogik va psixologik jihatdan o‘z vazifalariga mas’uliyatli yondashishga o‘rgatish va ularni kasbiy rivojlanishiga ta’sir ko‘rsatishga qaratilgan yondashuvdir. Ushbu maqolada mas’uliyatni rivojlantirishda o‘qituvchilarni bir-biriga o‘rnak bo‘lishlari, tajriba almashish va muammolarni hal etishda hamkorlik qilishning ahamiyati ko‘rsatib o‘tilgan. Klasterli yondashuv yordamida boshlang‘ich sinf o‘qituvchilarining mas’uliyatini oshirish va ularning kasbiy salohiyatini kengaytirish bo‘yicha tavsiyalar berilgan.

Yuklab olish Annotatsiya ›

---

Annotatsiya

Tadqiqot maqsadi. Mazkur maqolada boshlang‘ich ta’limda ona tili fanlarini o‘qitish metodikasini takomillashtirishning lingvodidaktik muammo sifatida tahlili olib borilgan. O‘quvchilarning ona tilini samarali o‘zlashtirishidagi muammolar, ayniqsa, o‘qish va yozish ko‘nikmalarining rivojlanishi, metodik materiallarning eskirishi, shuningdek, ijodiy va mantiqiy fikrlashni rivojlantirishdagi qiyinchiliklar ko‘rsatilgan. Tadqiqot metodlari. Maqolada ushbu muammolarni hal qilish uchun interaktiv metodlar, shaxsiy yondashuv, zamonaviy texnologiyalar va ijodiy vazifalar kabi lingvodidaktik yondashuvlar taklif etilgan. Tadqiqot natijalari. Ushbu yondashuvlar o‘quvchilarning tilga bo‘lgan qiziqishini oshirish, nutq madaniyatini rivojlantirish va amaliy til ko‘nikmalarini mustahkamlashga xizmat qiladi. Xulosa. Maqola boshlang‘ich ta’limda ona tili fanini o‘qitish jarayonini samarali tashkil etishda muhim metodik tavsiyalarni o‘z ichiga oladi.

Yuklab olish Annotatsiya ›

---

Annotatsiya

Keltirib o‘tilgan maqolada yunon-rim kurashchilarning o‘quv-mashg‘ulot jarayonlarida tik turgan holatdan qo‘lini tortib parter holatiga o‘tgazish harakatini biomexanik tahlil qilish asosida harakatdagi xatoliklarni korrektsiyalash hisobiga kurashchilarning texnik tayyorgarligini takomillashtirishdan iboratdir. Shu qatorda murabbiy va mutaxassislarning fikr mulohazalari keltirib o‘tishdan tashqari, yunon-rim kurashida aylanma harakatlar dasturi tadbiq qilingan.

Yuklab olish Annotatsiya ›

---

Annotatsiya

Ushbu maqolada bo‘lajak pedagoglarining metodik malakalarini rivojlantirish komponentlari haqida fikr yuritilgan, ularning ta'lim jarayonidagi ahamiyati haqida bayon etilgan. Bo‘lajak pedagoglarni metodik malakalarini rivojlantirish mexanizmlarini takomillashtirish bo‘yicha metodlar, tavsiyalar ishlab chiqilgan

Yuklab olish Annotatsiya ›

---

Annotatsiya

Ushbu maqolada boshlang‘ich sinf o‘quvchilarining o‘qish darslari jarayonida bog‘lanishli nutqini rivojlantirish masalasi yoritilgan. O‘quvchilarning izchil va mantiqiy fikr yuritish ko‘nikmalarini shakllantirish uchun samarali usullar taklif etilgan. Xususan, matnni qayta hikoya qilish, savol-javob usuli, rolli o‘yinlar, guruhli ishlash va ijodiy topshiriqlardan foydalanishning ahamiyati tahlil qilingan. Maqolada bog‘lanishli nutqni rivojlantirishning o‘quvchilarning muloqot madaniyati va tafakkurini kengaytirishdagi o‘rni ham yoritilgan.

Yuklab olish Annotatsiya ›

---

Annotatsiya

Ushbu maqolada boshlang‘ich sinflarda iqtidorli o‘quvchilar bilan ishlash ta’lim jarayonining muhim qismi ekanligi, bunday o‘quvchilar yuqori intellektual salohiyatga ega bo‘lib, ularning qobiliyatlarini rivojlantirish maqsadida zamonaviy pedagogik texnologiyalar va innovatsion yondashuvlardan foydalanish zarurligi, iqtidorli o‘quvchilar bilan ishlashning innovatsion usullari yoritilgan.

Yuklab olish Annotatsiya ›

---

Annotatsiya

Ushbu ilmiy maqolada PISA(Programme for International Student Assessment) xalqaro tadqiqotlari haqida hamda O‘zbekistonda o‘n besh yoshli o‘quvchilarning PISA -2022 xalqaro tadqiqotidagi ishtiroki, ularning erishgan natijalari va bunga sabab bo‘luvchi ayrim omillar bayon qilingan. Hamda bu omillar 2025-yil aprel oylarida o`tkazilishi rejalashtirilayotgan PISA 2025 xalqaro tadqiqot natijalariga qay darajada ta`sir qilishi mumkinligi haqida xulosalar keltirilgan. Ushbu maqolada PISA 2022 xalqaro tadqiqotida berilgan matematik masalalar tahlil qilingan bo‘lib, yuzaga kelayotgan muammolar va ularni bartaraf etish yo`llari tavsiya etilgan. Tadqiqotning asosiy maqsadi kelgusida O‘zbekistonda o‘quvchilarning xalqaro tadqiqotlar dasturlarida yaxshi natijalarga erishish uchun samarali metod hamda tavsiyalar ishlab chiqishdan iboratdir. Ushbu tadqiqot natijasi shuni ko‘rsatdiki, o‘quv dasturlamizni qayta ko‘rib chiqishimiz hamda ayrim mavzularni hozirgi holatidan oldinroq o‘rgatishimiz va ayrim mavzularga ko‘proq dars soatlari ajratishimiz lozimligini ko‘rishimiz mumkin.