"Ta'lim va taraqqiyot" ilmiy-uslubiy jurnali 2025-yil 3-soni

Yuklab olish Annotatsiya ›

---

Annotatsiya

Hozirgi juda ham tez rivojlanib borayotgan zamonda ta’lim sohasida juda ham katta o‘zgarishlar yuz bermoqda. Bu amalga oshirilayotgan barcha ishlarning asosiy maqsadi ta’lim sohasini har tomonlama mukammal qilish hisoblanadi. Ta’limning asosiy bo‘lagi hisoblangan oliy ta’lim esa yetuk va har tomonlama ilg‘or kadrlar yetkazib berishda asosiy manbaa hisoblanadi. Ularni boshqarib borayotgan rahbar kadrlar esa ushbu faoliyatning qay darajada samarali amalga oshishini belgilab beradi. Oliy ta’lim muassasasi rahbar kadrlarining kasbiy kompetensiyalari ushbu tashkilot muvaffaqiyatida juda ham katta rol o‘ynaydi. Ularning orasida boshqaruv kompetensiyasiga esa alohida e’tibor ajratiladi. Malaka oshirish jarayonida oliy ta’lim muassasasi rahbar kadrlarida boshqaruv kompetensiyasini oshirish takomillashtirilishi lozim bo‘lgan hozirgi eng muhim masalalardan biri bo‘lib turibdi.

Yuklab olish Annotatsiya ›

---

Annotatsiya

Ushbu maqolada umumta’lim maktablarida biologiya fanini samarali o‘qitishda didaktik materiallardan foydalanishning ilmiy-metodik asoslari, ularning ta’lim sifatiga ta’siri va amaliyotdagi dolzarbligi tadqiq etildi. Tajriba-sinov darslari natijalari asosida didaktik vositalarning o‘quvchilarning bilim, ko‘nikma va kompetensiyalarini shakllantirishdagi samaradorligi baholandi. Zamonaviy raqamli vositalar va innovatsion yondashuvlar ta’lim jarayonida qanday o‘rin egallashi amaliy misollar asosida ko‘rsatildi.

Yuklab olish Annotatsiya ›

---

Annotatsiya

Mazkur maqola ingliz tilida og‘zaki nutq ko‘nikmalarini rivojlantirishga qaratilgan kompyuter texnologiyasi asosidagi faoliyatlarni ishlab chiqish va qo‘llashni tahlil qiladi. Unda bu faoliyatlarning pedagogik asoslari va an’anaviy usullar bilan solishtirilgan samaradorligi muhokama qilinadi. Tadqiqot natijalari kompyuter yordamida olib boriladigan mashg‘ulotlar talaffuz, ravonlik va muloqot ko‘nikmalarini rivojlantirishga sezilarli ta’sir ko‘rsatishi izohlangan.

Yuklab olish Annotatsiya ›

---

Annotatsiya

Ushbu maqolada gap va matn birliklarini o‘qitishda milliy qadriyatlarga xos yondashuvlarning o‘rni va ahamiyati yoritilgan. Til ta’limi jarayonida o‘quvchilarga nafaqat grammatik bilimlar, balki xalqimizning tarixiy-madaniy merosi, urf-odatlari, qadriyatlari asosida shakllangan ma’naviy dunyoqarashini singdirish zarurligi asoslab beriladi. Maqolada gap va matn birliklarini o‘qitishda milliy qadriyatlarga xos yondashuvlar orqali o‘quvchilarda milliy o‘zlikni anglash, vatanparvarlik, odob-axloq, oilaparvarlik, ahillik kabi ijobiy fazilatlarni shakllantirish mumkinligi ilmiy-nazariy va amaliy misollar asosida ochib beriladi. Milliy qadriyatlar asosida mavzuga doir metod, uslub va o‘yinlar ishlab chiqilib, amaliyotga joriy etilgan. “Gap sayohatga chiqdi”, “Qo‘shnichilik – ming yilchilik”, “Hunar – hunardan rizqing unar” kabi milliy-metodik uslublar ishlab chiqilgan. Maqola natijalari o‘zbek tili o‘qituvchilari uchun foydali metodik tavsiyalarni beradi hamda filologik ta’limda milliy qadriyatlarga asoslangan innovatsion yondashuvlarning amaliy ahamiyatini ko‘rsatadi.

Yuklab olish Annotatsiya ›

---

Annotatsiya

Mazkur maqolada pedagogika tarixini o‘qitish jarayonida talabalar tafakkur faoliyatining muhim shakli bo‘lgan analitik fikrlashni rivojlantirish masalalari yoritilgan. Muallif muammoli o‘qitish, tahliliy savollar, matn ustida ishlash va munozarali usullar asosida metodik tavsiyalar ishlab chiqqan. Eksperimental tajriba natijalari asosida taklif etilgan yondashuvlar talabalarning tahlil qilish, baholash va xulosa chiqarish ko‘nikmalarini rivojlantirishda yuqori samaradorlikka ega ekani aniqlangan.

Yuklab olish Annotatsiya ›

---

Annotatsiya

Ushbu maqolada bo‘lajak boshlang‘ich sinf o‘qituvchilarining kasbiy kompetentligini shakllantirish masalasining didaktik imkoniyatlari chuqur tahlil qilingan. Tadqiqot doirasida zamonaviy pedagogik yondashuvlar, interfaol usullar, axborot texnologiyalarining joriy etilishi, ta’limiy muhit va o‘qitish strategiyalarining roli o‘rganilgan.

Yuklab olish Annotatsiya ›

---

Annotatsiya

Mazkur maqolada bo‘lajak rassom-pedagoglarni tayyorlash jarayoni nazariy jihatdan asoslangan va puxta rejalashtirilgan bo‘lishi lozimligi ilmiy nuqtai nazardan asoslab beriladi. Bu jarayonning dastlabki bosqichi esa, tabiiyki, umumta’lim maktablari doirasida boshlanadi. Maktab tushunchasi ostida, biz ta’lim-tarbiya jarayonining tizimli tuzilishini, o‘quvchilarning ushbu tizim va dars berish metodlariga ongli ravishda amal qilishini, bilimlarni egallashda ilmiylik, uslubiy izchillik hamda aniqlikni ta’minlashni nazarda tutamiz. Shu bilan birga, badiiy ijod faoliyatida qo‘llanilgan va amaliyotda o‘zini oqlagan pedagogik tajribalarning chuqur o‘rganilishi muhim ahamiyat kasb etadi.

Yuklab olish Annotatsiya ›

---

Annotatsiya

Ushbu maqolada eksperimental ma’lumotlar, nazariy umumlashtirishlar hamda metodologik asoslar negizida o‘quv jarayonida harakatli o‘yinlardan foydalanish konsepsiyasining maqsadga muvofiqligi asoslab berilgan. Aniqlangan mezonlar va jihatlar asosida yunon-rum kurashi bilan shug‘ullanuvchi yosh sportchilarning o‘quv-mashg‘ulot jarayoniga harakatli o‘yinlarni joriy etish, ularning fundamental tayyorgarlik darajasi hamda ta’lim-tarbiya jarayoni sifatini oshirishga xizmat qiladi.

Yuklab olish Annotatsiya ›

---

Annotatsiya

Ushbu maqolada raqamli pedagogikaning zamonaviy ta’lim tizimiga ta’siri, yuzaga kelayotgan muammolar va mavjud imkoniyatlar tahlil qilinadi. Raqamli texnologiyalarning ta’lim jarayoniga integratsiyasi o‘quv samaradorligini oshirish, ta’limga kirish imkoniyatlarini kengaytirish va innovatsion yondoshuvlarni joriy etish kabi ijobiy tomonlari bilan birga, texnik va metodologik qiyinchiliklar, o‘qituvchi va talabalar malakasining yetishmasligi kabi muammolar ham mavjudligi ko‘rsatib o‘tiladi. Maqola zamonaviy ta’lim muhitida raqamli pedagogikaning o‘rni va istiqbollarini tahlil qilib, ta’lim jarayonini takomillashtirish uchun tavsiyalar beradi.

Yuklab olish Annotatsiya ›

---

Annotatsiya

Ushbu maqolada musiqa ta’limi yo‘nalishida tahsil olayotgan talabalarni torli-kamonli cholg‘ularda ijro etish malakasini rivojlantirishda zamonaviy pedagogik metodlar samaradorligi chuqur tahlil qilinadi. Interaktiv yondashuv, differensial o‘qitish, ijodiy topshiriqlar asosida ta’lim berish hamda raqamli texnologiyalar bilan integratsiyalashgan metodlarning nazariy va amaliy asoslari yoritiladi. Eksperimental tadqiqotlar orqali zamonaviy yondashuvlarning ijrochilik ko‘nikmalarini rivojlantirishdagi o‘rni isbotlangan.