"Ta'lim va taraqqiyot" ilmiy-uslubiy jurnali 2025-yil 3-soni

Yuklab olish Annotatsiya ›

---

Annotatsiya

Ushbu maqolada boshlang‘ich ta’lim bosqichida tabiiy fanlar darslarini o‘quvchilarning kundalik hayoti bilan bog‘lab o‘qitishning ilmiy-nazariy asoslari, didaktik yondashuvlari va amaliy usullari yoritiladi. Tadqiqotda o‘quvchilarda hayotiy tajriba, kuzatish, eksperiment asosida bilimlarni shakllantirish muhimligi ta’kidlanadi. Shuningdek, zamonaviy pedagogik texnologiyalardan foydalanishning afzalliklari tahlil qilinadi.

Yuklab olish Annotatsiya ›

---

Annotatsiya

Boʻlajak jismoniy tarbiya o'qituvchilarida sport estetikasi va uning ta'lim jarayonidagi ahamiyatini rivojlantirish metodikalari jismoniy tarbiya darslarida estetik tafakkur va estetik qobiliyatlarni rivojlantirishga qaratilgan. Mavzu sport estetikasi orqali o'quvchilarni jismoniy faollikka rag'batlantirish, ularning estetik didini shakllantirish va umumiy rivojlanishiga yordam berishning samarali metodikalarini o'rganadi. Ushbu yondashuv bo'lajak o'qituvchilarni sportning nafaqat jismoniy, balki estetik jihatlarini ham tushunishga yo'naltiradi.

Yuklab olish Annotatsiya ›

---

Annotatsiya

Ingliz tilida akademik yozuv yuridik yo‘nalish talabalari uchun xalqaro huquqiy matnlarni tahlil qilish, ilmiy izlanishlar olib borish va xalqaro tashkilotlarda muvaffaqiyatli ishlash uchun zarur bo‘lgan muhim vosita hisoblanadi. Ushbu maqola yuridik yo‘nalishdagi talabalar uchun akademik ingliz tilining ta'lim jarayonidagi ahamiyatini tahlil qiladi. Tadqiqot adabiyot tahlili, talabalar o‘rtasidagi so‘rovnoma natijalari va ekspertlarning fikrlariga asoslanadi. Xulosa sifatida, akademik ingliz tilini o‘rganishni takomillashtirishga oid amaliy tavsiyalar taqdim etiladi.

Yuklab olish Annotatsiya ›

---

Annotatsiya

Maqola geografik ta'limda raqamlashtirish masalalariga bag'ishlangan. Zamonaviy ta'lim platformalari va texnologiyalari, masalan, GIS, Google Earth va interaktivlik va ta'limni shaxsiylashtirishga yordam beruvchi multimedia resurslari ko'rib chiqiladi. Raqamli texnologiyalarning asosiy afzalliklari, jumladan, fazoviy fikrlash va tanqidiy tahlilni rivojlantirishga alohida e’tibor qaratilgan. Raqamlashtirishning ta’lim jarayoniga ijobiy ta’sirini tasdiqlovchi tadqiqotlar natijalari tahlil qilindi. O'qituvchilar va talabalar uchun texnologiyalarni samarali integratsiya qilish bo'yicha tavsiyalar berilgan.

Yuklab olish Annotatsiya ›

---

Annotatsiya

Ushbu maqolada boshlang‘ich sinf o‘quvchilarida ongli o‘qish ko‘nikmalarini shakllantirishning ilmiy-metodik asoslari atroflicha tahlil qilinadi. Tadqiqotning asosiy maqsadi — 3-sinf “Ona tili va o‘qish savodxonligi” darsligi misolida o‘qish sifatlari, jumladan, ongli, ifodali va tez o‘qish malakalarini rivojlantirishning samarali yo‘llarini aniqlashdan iborat. Maqolada o‘qish jarayonining nafaqat matnni shunchaki o‘qish, balki uning mazmun-mohiyatini chuqur tushunish, tahlil qilish va tanqidiy baholash kabi murakkab bosqichlardan iboratligi yoritiladi. O‘quvchilarda fikrlash, voqealarni idrok etish va xulosalar chiqarish qobiliyatlarini rivojlantirishda ongli o‘qishning fundamental ahamiyati ta’kidlanadi. Shuningdek, boshlang‘ich sinf o‘qituvchilari dars samaradorligini oshirish uchun qo‘llashi mumkin bo‘lgan zamonaviy pedagogik usullar, interfaol metodlar va innovatsion yondashuvlar ko‘rsatib beriladi. Xususan, PIRLS Xalqaro baholash dasturining milliy ta’lim tizimimizga tatbiq etilishi fonida o‘qish tezligidan ko‘ra matnni ongli idrok etishga bo‘lgan e’tiborning kuchayishi nazariy va amaliy jihatdan muhokama qilinadi. Tadqiqot natijalari o‘qituvchilar uchun o‘quvchilarda o‘qish savodxonligini oshirish va ularda mustahkam bilim asosini yaratishga qaratilgan aniq tavsiyalar va amaliy qo‘llanmalar taqdim etadi.

Yuklab olish Annotatsiya ›

---

Annotatsiya

Kahoot – samarali vosita sifatida o‘quv jarayonida keng qo‘llaniladigan mashhur baholash usullaridan biri sanaladi. Raqamli ta’lim platformasi sifatida undan foydalanish orqali erishish mumkin bo‘lgan ko‘plab afzalliklar mavjud, masalan, o‘qituvchiga baholash natijalarini olishni osonlashtiradi va materialni psixologik jihatdan yaxshi va ochiq tushunishga imkon beradi. Maqolaning maqsadi – Kahoot media platformasidan foydalanish jarayonida yuzaga keladigan psixologik omillarni o‘rganish va talabalarni muvaffaqiyatga erishish hamda tanqidiy fikrlash xarakterini ochishga bo‘lgan ta’sirini aniqlashdan iborat. Ushbu tadqiqot natijalari shuni ko‘rsatdiki, tajriba-sinov davrida talabalarning sinov oldi va sinovdan keyingi to‘plagan ballari o‘rtasida sezilarli farqlar kuzatildi. Shu sababli, ushbu tadqiqot jarayonida Kahootdan foydalanish samaradorligi haqida muhim ma’lumotlar yoritiladi.

Yuklab olish Annotatsiya ›

---

Annotatsiya

Zamonaviy ta’lim tizimida bo‘lajak o‘zbek tili o‘qituvchilarining kasbiy muloqot ko‘nikmalarini shakllantirish muhim ahamiyat kasb etmoqda. Ushbu tadqiqot pedagog kadrlarni tayyorlash jarayonida kommunikativ kompetensiyalarni rivojlantirish masalalariga bag‘ishlangan. Maqolada o‘qituvchining nutq madaniyati, pedagogik muloqot strategiyalari va kasbiy mahoratning ta’lim jarayoniga ta’siri o‘rganilgan. Tadqiqot davomida mavjud muammolar tahlil qilinib, ularni yechish bo‘yicha amaliy takliflar ishlab chiqilgan.

Yuklab olish Annotatsiya ›

---

Annotatsiya

Maqolada mamlakatimizda boshlang‘ich ta’lim tizimini yanada takomillashtirish va rivojlantirish borasida amalga oshirilayotgan islohotlar, boshlang‘ich ta’lim tashkilotlarida kognitiv metodlarni qo‘llash orqali bolalarni maktab ta’limiga tayyorlash masalalari haqida fikr-mulohazalar berilgan.

Yuklab olish Annotatsiya ›

---

Annotatsiya

Ushbu maqola shaxs ijtimoiylashuvida inklyuziv ta'limning rolini o'rganadi. Inklyuziv ta'lim har xil ehtiyojlarga ega bo'lgan o'quvchilarni umumiy ta'lim muhitida birlashtirishga xizmat qiladi va ularning ijtimoiy ko'nikmalarini rivojlantirishga yordam beradi. Maqolada adabiyotlar tahlili, metodlar, natijalar va munozara bo'limlari orqali inklyuziv ta'limning ijtimoiylashuvga ta'siri ko'rib chiqiladi. Tadqiqot natijalari inklyuziv ta'limning ijtimoiy integratsiya va tenglikni ta'minlashdagi muhim ahamiyatini tasdiqlaydi. Maqola xulosa va takliflar bilan yakunlanadi.

Yuklab olish Annotatsiya ›

---

Annotatsiya

ushbu maqolada oliy ta’lim muassasalari talabalari kommunikativlik (muloqotga kirisha olish) funksiyalarini zamonaviy raqamli texnologiyalar yordamida shakllantirish va rivojlantirish masalalari yoritilgan. Tadqiqotda talabalarning axborot-kommunikatsiya vositalari orqali o‘z fikrini erkin ifoda etish, samarali tinglash, muloqotni boshqarish kabi ko‘nikmalarini takomillashtirishga qaratilgan yondashuvlar tahlil qilingan. Shuningdek, raqamli platformalar (masofaviy ta’lim tizimlari, onlayn forumlar, ijtimoiy tarmoqlar va ta’lim ilovalari) orqali o‘quv jarayonini kommunikativ jihatdan boyitishning samarali metodlari taklif etilgan. Maqolada amaliy tavsiyalar, eksperimental natijalar va innovatsion pedagogik yondashuvlar asosida talabalarning kommunikativ kompetensiyalarini rivojlantirish imkoniyatlari ochib berilgan.