"Ta'lim va taraqqiyot" ilmiy-uslubiy jurnali 2025-yil 6-soni

Yuklab olish Annotatsiya ›

---

Annotatsiya

Ushbu maqolada umumta’lim maktablarida jismoniy tarbiya bo‘yicha o‘quv-tarbiya jarayonini takomillashtirishda differensial yondashuvning o‘rni va amaliy ahamiyati ilmiy asosda tahlil qilinadi. Tadqiqot jarayonida o‘quvchilarning yosh, jinsiy, psixofiziologik va jismoniy tayyorgarlik darajasidagi individual farqlarni aniqlash, mashg‘ulot jarayonida yuklama va mashqlarni individuallashtirish tamoyillarini qo‘llash orqali olingan natijalar tahlil qilindi. Pedagogik tajriba differensial yondashuv jismoniy sifatlarning rivojlanishini tezlashtirishi, harakat ko‘nikmalarining barqaror shakllanishini ta’minlashi, mashg‘ulotlarga motivatsiyani oshirishi hamda ortiqcha yuklanish xavfini kamaytirishini ko‘rsatdi.

Yuklab olish Annotatsiya ›

---

Annotatsiya

Maqolada Tarbiya darslarida o‘quvchilarning intellektual salohiyatini oshirish, mantiqiy fikrlash jarayonlarini rivojlantirish hamda tafakkurni rivojlantiruvchi IQ test topshiriqlaridan foydalanishning samaradorligi yoritilgan. Tadqiqotda boshlang‘ich sinf o‘quvchilari uchun moslashtirilgan mantiqiy, analitik, verbal va vizual-mavhum fikrlashni faollashtiruvchi IQ testlarining didaktik imkoniyatlari asoslab berilgan. Shuningdek, mazkur topshiriqlarning tarbiya darslarida qo‘llanishi o‘quvchilarning o‘z fikrini asoslash, muqobil yechimlar topish, vaziyatlarni tahlil qilish va qaror qabul qilish kompetensiyalarini rivojlantirishga ijobiy ta’siri ilmiy dalillar asosida ko‘rsatib berilgan. Tadqiqot natijalari IQ testlarining tarbiya jarayonida nafaqat bilish faoliyatini kuchaytirishi, balki o‘quvchilarda mas’uliyat, aniqlik, mantiqiy izchillik, mustaqil fikrlash, refleksiv yondashuv kabi fazilatlarni shakllantirishda muhim o‘rin tutishini tasdiqladi. Maqolada IQ topshiriqlarini tarbiya darslarining mavzulari bilan integratsiya qilishning metodik yondashuvlari, o‘qituvchi uchun amaliy tavsiyalar, shuningdek, o‘quvchilarning yosh imkoniyatlariga moslashtirish me’zonlari batafsil yoritilgan. Olingan ilmiy natijalar Tarbiya darslarini zamonaviylashtirish, dars jarayonini faollashtirish, o‘quvchi shaxsining intellektual va ma’naviy rivojiga xizmat qiladigan innovatsion metodlardan foydalanish jarayonida muhim amaliy ahamiyat kasb etadi. Ushbu ishlanmalar boshlang‘ich sinflar uchun mo‘ljallangan o‘quv-metodik qo‘llanmalar, tarbiya darslari va interfaol dars modellarini yaratishda qo‘llash uchun ham samaralidir.

Yuklab olish Annotatsiya ›

---

Annotatsiya

Mazkur maqolada nasriy matnning stilistik xususiyatlari, badiiy nutqning lingvopoetik qurilishi va muallif uslubining individualligi ilmiy-nazariy yondashuvlar asosida tahlil qilinadi. Tadqiqotning asosiy e’tibori nasrda qo‘llaniladigan sintaktik strukturalar, metafora va obrazlilik vositalari, nutq ritmi, kompozitsion qurilish hamda yozuvchi estetik dunyoqarashining lingvistik ifodasiga qaratilgan. Jahon va o‘zbek adabiyotidan misollar asosida muallif uslubining shakllanish omillari, estetik funksiyalari va individual nutq usullarining o‘quvchi idrokiga ta’siri yoritiladi. Tadqiqot komponent tahlili, stilistik modellash, komparativ yondashuv va matn lingvistikasi metodlariga tayanadi.

Yuklab olish Annotatsiya ›

---

Annotatsiya

Mazkur maqolada bugungi kunda jamiyat a’zolarining ma’naviy yuksalishida muhim rol o‘ynayotgan, doimiy va uzluksiz faoliyat yuritadigan axborot kutubxona muassasalarining o‘rni va ahamiyati haqida batafsil tahlil olib boriladi. Insonlarning ma’naviy taraqqiyoti va madaniyatini rivojlantirishda axborot resurslari va kutubxonalar alohida o‘rin tutadi. Shuningdek, mazkur muassasalarning jamiyatdagi ijtimoiy-ma’naviy jarayonlarga qanday ta’sir ko‘rsatishi, ularning shaxsning dunyoqarashini shakllantirishdagi roli, ijtimoiy yangiliklarga qanday javob berishi o‘rganiladi. Axborot kutubxona muassasalarining o‘zgaruvchan jamiyatda yangi texnologiyalar va metodlar orqali o‘z faoliyatini yanada takomillashtirishi, ma’naviy qiymatlarni saqlab qolishi va jamiyatning ma’naviy yuksalishiga qanday hissa qo‘shishi kabi masalalar tahlil qilinadi.

Yuklab olish Annotatsiya ›

---

Annotatsiya

Ushbu maqolada o‘ng tomondan tasodifiy senzurlanish modelni qarashimiz sababi, ushbu modelni metodik jihatdan tushuntirish juda qulaydir. Senzurlanishning bir nechta turlari mavjud (o‘ngdan, chapdan, har ikkala tomondan, tavakkallik risklar bilan aralashtirilgan va boshqalar). Bunday modellar meditsina, biologiya, sug‘urta ishi, demografiya va sanoat tajribalarida, umuman olganda amaliyot bilan bog‘liq bo‘lgan ko‘plab sohalarda uchrab turadi. Oldindan silliqlangan darajadagi tavakkalliklar nisbati funksiyasi asosida o‘ng tomondan tasodifiy senzurlanish modelida taqsimot funksiyasini noparametrik baholash muhokama qilinadi.

Yuklab olish Annotatsiya ›

---

Annotatsiya

Maqolada hozirgi sharoitda madaniy, ma’naviy va mafkuraviy, siyosiy vazifalar doirasi kengayib borayotganligini hisobga olgan holda, ma’naviy-ma’rifiy faoliyatni har tomonlama kuchaytirish, uning samaradorligini oshirishga har tomonlama ahamiyat berish zaruriyatga aylanayotganligi, globallashuv jarayonlarining kuchayishi natijasida jahon miqyosida tinchlik va barqarorlikka qarshi yangi tahdidlar kuchayib borayotganligi tufayli ayrim fuqarolarning, ayniqsa yoshlarning terroristik va diniy ekstremistik harakatlarga adashib qo‘shilib qolishi, milliy qadriyatlarga e’tiborsizlik tufayli kelib chiqayotgan turli salbiy holatlar, jinoyatchilik, to‘ylardagi ortiqcha isrofgarchiliklar, oilaviy ajralishlar, aholi o‘rtasida ma’naviy-ma’rifiy ishlar samaradorligini oshirishning dolzarb vazifa ekanligi yoritilgan.

Yuklab olish Annotatsiya ›

---

Annotatsiya

Mamlakatimizda amalga oshirilayotgan keng ko‘lamli islohotlar jarayonida sport sohasini rivojlantirishga alohida e’tibor qaratilmoqda. Bugungi globallashuv sharoitida yoshlarning bo‘sh vaqtlarini mazmunli tashkil etish, ularni sog‘lom turmush tarziga yo‘naltirish, jismoniy faollik va sport madaniyatini shakllantirish davlat siyosatining ustuvor yo‘nalishlaridan biriga aylangan. Ushbu maqolada O‘zbekistonda sport tizimini modernizatsiya qilish jarayonlari, yoshlar sportini qo‘llab-quvvatlash mexanizmlari, sport infratuzilmasi rivoji, zamonaviy yo‘nalishlarning shakllanishi hamda sohada raqobatbardosh kadrlar tayyorlash kabi dolzarb masalalar tahlil qilinadi. Shuningdek, sportning ijtimoiy-ma’naviy ahamiyati, sog‘lom turmush tarzini qaror toptirishdagi roli, sport siyosatining tendensiyalari va o‘ziga xos xususiyatlari ilmiy-nazariy nuqtayi nazardan yoritiladi. Maqola natijalari O‘zbekistonda sportni rivojlantirishning hozirgi bosqichi va istiqbollarini baholashga xizmat qiladi.

Yuklab olish Annotatsiya ›

---

Annotatsiya

Ushbu maqolada Sharq mutafakkirlarining ta’lim-tarbiya va axloqiy masalalaridagi qarashlari, shuningdek islom ta’limotida tarbiya to‘g‘risida so‘z yuritilgan. Sharq mutafakkirlarining ta’limga va odob-axloqqa oid yondashuvlari, insonlar ongiga axloq tushunchasini va vositasini sindirish, hayotda ulardan to‘g‘ri va oqilona foydalanish muhim xususiyatlardan biri ekanligi ko‘rsatib o‘tilgan.

Yuklab olish Annotatsiya ›

---

Annotatsiya

Ushbu ishda “Oliy matematika” fanidan “Chiziqli tenglamalar sistemasini yechish” mavzusini bayon etishda innovatsion texnologiyalardan foydalanish imkoniyati yoritilib, uning mazmuni va qo‘llash uslublari haqida ba’zi uslubiy tavsiya va ayrim mulohazalar keltirilgan. Shuningdek, unda tanlangan mavzuni o‘qitish jarayonida qo‘llanilishi mumkin bo‘lgan bir interfaol metod va uning qisqacha bayoni aks ettirilgan hamda ushbu mavzuning mazmunini talabalarga yetkazish va bilimlarini mustahkamlash uchun “BBB texnologiyasi va Assisment texnikasi” metodi tatbiq qilingan.

Yuklab olish Annotatsiya ›

---

Annotatsiya

Maqolada tadqiqot mavzuimiz bo‘yicha ilmiy adabiyotlar tahlili, ma’naviy-ma’rifiy tadbirlarni o‘tkazishga oid ilg‘or tajribalarni o‘rganish, kuzatish natijalari asosida aniq maqsad va mazmunga bo‘ysundirilgan bir butun ma’naviy-ma’rifiy tadbirlar jarayonini aks ettirgan tizimli-funksional modelni haqida tahliliy xulosalar berilgan. Ushbu xulosalar ma’naviy-ma’rifiy tadbirlarni amalga oshirishda shaxsga yo‘naltirilgan yondashuvlar va prinsiplarning tizimlashtirilgan majmuasi ekanligi asoslangan. Shuningdek, an’anaviy usullar bilan birgalikda zamonaviy texnologiyalarni qo‘llash yo‘llari ham ko‘rsatilgan.