"Ta'lim va taraqqiyot" ilmiy-uslubiy jurnali 2026-yil 3-soni

Yuklab olish Annotatsiya ›

---

Annotatsiya

Mazkur ilmiy maqolada 8-sinf o‘quvchilarining qisqa masofaga yugurish texnikasini takomillashtirishning nazariy va amaliy asoslari keng yoritilgan. O‘quvchilarning yosh xususiyatlari, jismoniy sifatlari, zamonaviy pedagogik texnologiyalar hamda mashg‘ulotlarni tashkil etish metodikasi tahlil qilingan. Shuningdek, jismoniy tarbiya tizimini rivojlantirishga qaratilgan davlat siyosati va normativ-huquqiy hujjatlar asosida ilmiy xulosalar berilgan.

Yuklab olish Annotatsiya ›

---

Annotatsiya

Ushbu maqolada Marhamat tumanidagi ziyoratgoh va qadamjolari bilan bog’liq qarashlar va ularning kelib chiqishi haqida ma`lumotlar keltiriladi. Bu ziyoratgohlar o’zining g’ayritabiiy shifo xususiyatlari, shifobaxsh buloqlari, ularning nomlanishi va yashab o’tgan shayx va pirlarning karomatlariga bag`ishlangan. Bunday ziyoratgohlar o‘zining diniy va madaniy ahamiyati bilan birga, turizm rivojlanishida ham muhim rol o’ynaydi. Har bir ziyoratgoh tarix va xalqimizning asriy qadriyatlari, din va uning marosimlariga qarashlari haqida guvohlik beradi. Moddiy-madaniy me’roslarimizning asrab qolinishi va ziyorat turizmini yangi bosqichga olib chiqish maqsad qilib olingan.

Yuklab olish Annotatsiya ›

---

Annotatsiya

Ushbu maqolada Friedrich Froebel tomonidan yaratilgan “Froebel sovg‘alari”ning pedagogik ahamiyati va ularning maktabgacha yoshdagi bolalarning bilish qobiliyatlarini rivojlantirishdagi o‘rni tahlil qilinadi. Shuningdek, mazkur didaktik materiallarni ta’lim jarayonida qo‘llash xususiyatlari hamda ularning mantiqiy fikrlash, mayda motorika va ijodiy qobiliyatlarni shakllantirishga ta’siri o‘rganiladi.

Yuklab olish Annotatsiya ›

---

Annotatsiya

Ushbu maqolada oʻzbek tilidan ingliz tiliga oʻsmirlar adabiyotini tarjima qilishda realia va kulturemalarni oʻzlashtirishning samarali usullari tahlil qilinadi. Tadqiqotning maqsadi – tarjima jarayonida milliy oʻziga xoslikni saqlash va maqsadli auditoriyaga tushunarli matn yaratishning optimal yoʻllarini aniqlash. Tadqiqotda qiyosiy-tipologik, transformatsion va lingvomadaniy tahlil metodlari qoʻllanildi. Asosiy material sifatida Xudoyberdi Toʻxtaboyevning “Oltin boshli, shux boshli…” asari va uning ingliz tilidagi qisman tarjimalari, shuningdek, ingliz yozuvchilarining oʻzbek tiliga tarjimalari tahlil qilindi. Natijada realia va kulturemalarni uzatishning beshta asosiy usuli (transliteratsiya, kalqka, funksional analogiya, tavsifiy tarjima va kombinatsiyalashgan usul) aniqlanib, ularning qoʻllanish chastotasi va samaradorligi baholandi. Xulosada oʻsmirlar adabiyotida kombinatsiyalashgan usul (transliteratsiya + qisqa tavsif) eng maqbul ekanligi asoslangan.

Yuklab olish Annotatsiya ›

---

Annotatsiya

Ushbu maqolada sun’iy intellektning ta’limga ta’siri pedagogik, texnologik va axloqiy hodisa sifatida tadqiq etiladi. Asosiy g‘oya shundan iboratki, sun’iy intellekt faqat o‘qitish yoki baholash jarayonini tezlashtiruvchi raqamli vositalar majmui sifatida tushunilmasligi kerak. U, shuningdek, ta’limiy muloqot mantiqini, o‘quv mazmuni tuzilishini, o‘qituvchilarning kasbiy identifikatsiyasini hamda talabalarning kognitiv mustaqilligini o‘zgartiruvchi omil hisoblanadi. Maqolada sun’iy intellektga asoslangan tizimlarning adaptiv ta’lim, avtomatlashtirilgan teskari aloqa, ta’lim analitikasi, inklyuziv ta’lim va individuallashtirilgan ta’lim trayektoriyalarini qo‘llab-quvvatlashdagi imkoniyatlari tahlil qilinadi.

Yuklab olish Annotatsiya ›

---

Annotatsiya

Mazkur maqolada chet tillarini o‘qitish jarayonida o‘qituvchi va o‘quvchi o‘rtasidagi pedagogik-psixologik muloqotning nazariy asoslari, amaliy ahamiyati va ta’lim samaradorligiga ta’siri kompleks tarzda tahlil etiladi. Tadqiqot davomida muloqotning kommunikativ kompetensiyani shakllantirishdagi o‘rni, o‘quvchilarning psixologik holatiga ta’siri hamda motivatsiyani oshirishdagi roli ochib beriladi. Shuningdek, samarali pedagogik muloqotni tashkil etishning metodik modeli ishlab chiqilib, tajriba-sinov ishlari orqali uning samaradorligi asoslab beriladi. Natijalar shuni ko‘rsatadiki, ijobiy pedagogik-psixologik muloqot o‘quvchilarning til o‘rganishga bo‘lgan qiziqishini oshiradi, nutq faolligini rivojlantiradi va bilimlarni chuqur o‘zlashtirishga xizmat qiladi.

Yuklab olish Annotatsiya ›

---

Annotatsiya

Ushbu maqolada STEAM- texnologiyasining paydo bo‘lish tarixi haqida fikr yuritilgan, shuningdek maktabgacha ta’limda STEAM texnologiyalaridan foydalanishning afzalliklari xususida ma’lumotlar keltirilgan hamda STEAM texnologiyalaridan foydalanib, maktabgacha yoshdagi bolalarni robototexnikaga qiziqtirish maqsadida o‘yinlarni tashkil etish bo‘yicha tavsiyalar keltirilgan.

Yuklab olish Annotatsiya ›

---

Annotatsiya

Mazkur tadqiqotda maktab bitiruvchilarining texnik va mexanikaga bo‘lgan qiziqishlari asosida ularning texnologik mashinalar va jihozlar yo‘nalishini tanlashga bo‘lgan kasbiy orientatsiyasi empirik jihatdan tahlil qilinadi. Tadqiqot 2026-yil aprel oyida o‘tkazilgan keng ko‘lamli so‘rovnoma natijalariga asoslanib, 23 235 nafar respondent ma’lumotlarini o‘z ichiga oladi. Statistik tahlil natijalari texnik qiziqish darajasi bilan muhandislik yo‘nalishini tanlash o‘rtasida sezilarli bog‘liqlik mavjudligini ko‘rsatdi (χ² = 1709.98; p < 0.001). Logistik regressiya modeli asosida texnik qiziqish darajasi yuqori bo‘lgan respondentlarda texnologik mashinalar va jihozlar yo‘nalishini tanlash ehtimoli 4.86 baravar yuqori ekanligi aniqlandi. Tadqiqot natijalari asosida kasbiy kompetensiyani shakllantirishning pedagogik mexanizmlarini takomillashtirish bo‘yicha ilmiy xulosalar ishlab chiqildi.

Yuklab olish Annotatsiya ›

---

Annotatsiya

Mazkur maqolada STEM (Science, Technology, Engineering, Mathematics) yo‘nalishidagi maktablarda chet tillarni o‘qitish metodikasining nazariy va amaliy jihatlari kompleks tahlil qilinadi. Tadqiqotda zamonaviy pedagogik yondashuvlar, jumladan, CLIL (Content and Language Integrated Learning), kommunikativ metod, vazifaga asoslangan o‘qitish (Task-Based Learning) hamda raqamli texnologiyalar integratsiyasining o‘rni ilmiy asosda yoritiladi. Xalqaro va mahalliy tadqiqotlar tahlili asosida STEM muhitida chet tilini o‘qitishning samarali strategiyalari aniqlanadi hamda ularning amaliy ahamiyati ochib beriladi.