"Ta'lim va taraqqiyot" ilmiy-uslubiy jurnali 2025-yil 3-soni

Yuklab olish Annotatsiya ›

---

Annotatsiya

Ushbu maqolada integrodifferensial tenglamalarning mohiyati, ularning matematik modellashtirishdagi o‘rni hamda fizik, texnik va biologik jarayonlarni tavsiflashdagi ahamiyati tahlil qilinadi. Integrodifferensial tenglamalar differensial va integral amallarni o‘zida birlashtirgan murakkab tenglamalar sinfidir. Maqolada ularning asosiy turlari, yechim usullari va analitik hamda sonli yondashuvlarning afzalliklari ko‘rib chiqiladi. Shuningdek, integral yadrosi va chegaraviy shartlarning tenglama yechimiga ta’siri ham nazariy jihatdan asoslab beriladi.

Yuklab olish Annotatsiya ›

---

Annotatsiya

Ushbu maqolada Sharq mutafakkirlarining oilada farzand tarbiyasi masalasiga oid qarashlari tahlil etiladi. Sharq pedagogikasida va boy ma’naviy merosida oilaning muhim tarbiya maskani sifatida e’tirof etilishi, farzandning axloqiy, ma’naviy va aqliy kamolotida ota-ona mas’uliyati alohida o‘rin tutishi muammosi pedagogik va psixologik nuqtai nazardan yoritilgan. Alisher Navoiy, Ahmad Donish, Yusuf Xos Hojib, Abu Nasr Forobiy kabi mutafakkirlarning asarlarida tarbiya, odob, bilim va insoniy fazilatlarni shakllantirishga doir g‘oyalari tahlil qilingan.

Yuklab olish Annotatsiya ›

---

Annotatsiya

ushbu ilmiy maqola inklyuziv ta’limning musiqa ta’limidagi o‘rni va ahamiyatini o‘rganadi. Maqolada inklyuziv ta’limning musiqa ta’limi orqali talabalarning ijtimoiy, estetik va ma’naviy rivojlanishiga ta’siri, shuningdek, ushbu ta’lim shaklining barcha turdagi talabalarni, xususan, maxsus ehtiyojlarga ega bo‘lgan o‘quvchilarni ta’lim jarayoniga jalb qilishdagi samaradorligi tahlil qilinadi. Inklyuziv ta’limning musiqa darslariga integratsiyasi yoshlarning madaniy merosga bo‘lgan hurmatini oshirish, ijtimoiy mas’uliyatni shakllantirish va shaxsiy rivojlanishga ko‘maklashishda muhim vosita sifatida ko‘rib chiqiladi. Maqolada, shuningdek, inklyuziv ta’limning pedagogik uslublari, metodlari va vositalari, shu jumladan, musiqa ta’limida maxsus ehtiyojli talabalarni qo‘llab quvvatlashning zamonaviy yondashuvlari tahlil qilinadi. Tadqiqotda inklyuziv ta’limning musiqa ta’limi orqali yoshlarning estetik didini shakllantirish, ijtimoiy integratsiya va madaniy identifikatsiyani mustahkamlashdagi ahamiyati ochib beriladi. Olingan natijalar asosida, inklyuziv ta’limning musiqa ta’limiga integratsiyasi bo‘yicha takliflar va tavsiyalar beriladi.

Yuklab olish Annotatsiya ›

---

Annotatsiya

Mazkur maqolada umumta’lim maktablarida o‘quvchilarning laboratoriya mashg‘ulotlari orqali metakognitiv ko‘nikmalarini rivojlantirishga oid psixologik asoslar yoritilgan. Tadqiqotning maqsadi – laboratoriya faoliyati davomida refleksiya va o‘z-o‘zini baholash vositalari orqali o‘quvchilarda mustaqil fikrlash, o‘z-o‘zini boshqarish va shaxsiy rivojlanishga xizmat qiluvchi metakognitiv kompetensiyalarni shakllantirishdir. Tadqiqot metodlari sifatida kuzatuv, refleksiya savollari asosida so‘rovnoma, o‘quvchi kundaliklari tahlili va sifatli baholash ishlatilgan. Natijalarda o‘quvchilar tomonidan amalga oshirilgan laboratoriya ishlari doirasida refleksiya savollari, baholash mezonlari va kundaliklar orqali o‘quv faoliyati samaradorligi va psixologik o‘sish aniq ko‘zga tashlangan. Xulosa sifatida esa refleksiya va o‘z-o‘zini baholash mexanizmlari laboratoriya mashg‘ulotlarining ajralmas qismi sifatida joriy etilishi kerakligi asoslab berilgan.

Yuklab olish Annotatsiya ›

---

Annotatsiya

Hozirgi juda ham tez rivojlanib borayotgan zamonda ta’lim sohasida juda ham katta o‘zgarishlar yuz bermoqda. Bu amalga oshirilayotgan barcha ishlarning asosiy maqsadi ta’lim sohasini har tomonlama mukammal qilish hisoblanadi. Ta’limning asosiy bo‘lagi hisoblangan oliy ta’lim esa yetuk va har tomonlama ilg‘or kadrlar yetkazib berishda asosiy manbaa hisoblanadi. Ularni boshqarib borayotgan rahbar kadrlar esa ushbu faoliyatning qay darajada samarali amalga oshishini belgilab beradi. Oliy ta’lim muassasasi rahbar kadrlarining kasbiy kompetensiyalari ushbu tashkilot muvaffaqiyatida juda ham katta rol o‘ynaydi. Ularning orasida boshqaruv kompetensiyasiga esa alohida e’tibor ajratiladi. Malaka oshirish jarayonida oliy ta’lim muassasasi rahbar kadrlarida boshqaruv kompetensiyasini oshirish takomillashtirilishi lozim bo‘lgan hozirgi eng muhim masalalardan biri bo‘lib turibdi.

Yuklab olish Annotatsiya ›

---

Annotatsiya

Ushbu maqolada umumta’lim maktablarida biologiya fanini samarali o‘qitishda didaktik materiallardan foydalanishning ilmiy-metodik asoslari, ularning ta’lim sifatiga ta’siri va amaliyotdagi dolzarbligi tadqiq etildi. Tajriba-sinov darslari natijalari asosida didaktik vositalarning o‘quvchilarning bilim, ko‘nikma va kompetensiyalarini shakllantirishdagi samaradorligi baholandi. Zamonaviy raqamli vositalar va innovatsion yondashuvlar ta’lim jarayonida qanday o‘rin egallashi amaliy misollar asosida ko‘rsatildi.

Yuklab olish Annotatsiya ›

---

Annotatsiya

Mazkur maqola ingliz tilida og‘zaki nutq ko‘nikmalarini rivojlantirishga qaratilgan kompyuter texnologiyasi asosidagi faoliyatlarni ishlab chiqish va qo‘llashni tahlil qiladi. Unda bu faoliyatlarning pedagogik asoslari va an’anaviy usullar bilan solishtirilgan samaradorligi muhokama qilinadi. Tadqiqot natijalari kompyuter yordamida olib boriladigan mashg‘ulotlar talaffuz, ravonlik va muloqot ko‘nikmalarini rivojlantirishga sezilarli ta’sir ko‘rsatishi izohlangan.

Yuklab olish Annotatsiya ›

---

Annotatsiya

Ushbu maqolada gap va matn birliklarini o‘qitishda milliy qadriyatlarga xos yondashuvlarning o‘rni va ahamiyati yoritilgan. Til ta’limi jarayonida o‘quvchilarga nafaqat grammatik bilimlar, balki xalqimizning tarixiy-madaniy merosi, urf-odatlari, qadriyatlari asosida shakllangan ma’naviy dunyoqarashini singdirish zarurligi asoslab beriladi. Maqolada gap va matn birliklarini o‘qitishda milliy qadriyatlarga xos yondashuvlar orqali o‘quvchilarda milliy o‘zlikni anglash, vatanparvarlik, odob-axloq, oilaparvarlik, ahillik kabi ijobiy fazilatlarni shakllantirish mumkinligi ilmiy-nazariy va amaliy misollar asosida ochib beriladi. Milliy qadriyatlar asosida mavzuga doir metod, uslub va o‘yinlar ishlab chiqilib, amaliyotga joriy etilgan. “Gap sayohatga chiqdi”, “Qo‘shnichilik – ming yilchilik”, “Hunar – hunardan rizqing unar” kabi milliy-metodik uslublar ishlab chiqilgan. Maqola natijalari o‘zbek tili o‘qituvchilari uchun foydali metodik tavsiyalarni beradi hamda filologik ta’limda milliy qadriyatlarga asoslangan innovatsion yondashuvlarning amaliy ahamiyatini ko‘rsatadi.

Yuklab olish Annotatsiya ›

---

Annotatsiya

Mazkur maqolada pedagogika tarixini o‘qitish jarayonida talabalar tafakkur faoliyatining muhim shakli bo‘lgan analitik fikrlashni rivojlantirish masalalari yoritilgan. Muallif muammoli o‘qitish, tahliliy savollar, matn ustida ishlash va munozarali usullar asosida metodik tavsiyalar ishlab chiqqan. Eksperimental tajriba natijalari asosida taklif etilgan yondashuvlar talabalarning tahlil qilish, baholash va xulosa chiqarish ko‘nikmalarini rivojlantirishda yuqori samaradorlikka ega ekani aniqlangan.

Yuklab olish Annotatsiya ›

---

Annotatsiya

Ushbu maqolada bo‘lajak boshlang‘ich sinf o‘qituvchilarining kasbiy kompetentligini shakllantirish masalasining didaktik imkoniyatlari chuqur tahlil qilingan. Tadqiqot doirasida zamonaviy pedagogik yondashuvlar, interfaol usullar, axborot texnologiyalarining joriy etilishi, ta’limiy muhit va o‘qitish strategiyalarining roli o‘rganilgan.