LABORATORIYA MASHG‘ULOTLARIDA O‘QUVCHILARNING O‘Z-O‘ZINI BAHOLASH KO‘NIKMALARINI RIVOJLANTIRISH
Mualliflar: Turdaliyev Ulugʻbek Valijon oʻgʻli
Annotatsiya Mazkur maqolada umumta’lim maktablarida o‘quvchilarning laboratoriya mashg‘ulotlari orqali metakognitiv ko‘nikmalarini rivojlantirishga oid psixologik asoslar yoritilgan. Tadqiqotning maqsadi – laboratoriya faoliyati davomida refleksiya va o‘z-o‘zini baholash vositalari orqali o‘quvchilarda mustaqil fikrlash, o‘z-o‘zini boshqarish va shaxsiy rivojlanishga xizmat qiluvchi metakognitiv kompetensiyalarni shakllantirishdir. Tadqiqot metodlari sifatida kuzatuv, refleksiya savollari asosida so‘rovnoma, o‘quvchi kundaliklari tahlili va sifatli baholash ishlatilgan. Natijalarda o‘quvchilar tomonidan amalga oshirilgan laboratoriya ishlari doirasida refleksiya savollari, baholash mezonlari va kundaliklar orqali o‘quv faoliyati samaradorligi va psixologik o‘sish aniq ko‘zga tashlangan. Xulosa sifatida esa refleksiya va o‘z-o‘zini baholash mexanizmlari laboratoriya mashg‘ulotlarining ajralmas qismi sifatida joriy etilishi kerakligi asoslab berilgan. Kalit so'zlar: laboratoriya mashg‘ulotlari, refleksiya, o‘z-o‘zini baholash, metakognitiv ko‘nikmalar, psixologik asos, o‘quvchi kundaligi, baholash mezonlari, mustaqil o‘rganish.