Ushbu konferensiya to‘plamida maktabgacha ta’limda raqamli pedagogika, innovatsion texnologiyalar va kreativ rivojlantiruvchi yondashuvlar, boshlang‘ich ta’lim jarayonida kompetensiyaviy yondashuv va zamonaviy o‘qitish strategiyalari, sport ta’limida innovatsion yondashuvlarga doir ilmiy asoslangan tadqiqotlar muhokamasi o‘rin olgan. Uzluksiz taʼlimning barcha boʻgʻini uchun malakali kadrlar tayyorlash borasida olib borilayotgan tizimli islohotlar yuksak madaniyatli, amaliy kasbiy koʻnikmaga ega, tarbiya, oʻqitish metodlari va baholash mezonlarini puxta egallagan zamonaviy kadrlarni shakllantirish jarayoni samaradorligini oshirishga xizmat qiladi. Mazkur ilmiy-amaliy konferensiyaning o‘tkazilayotganligi ham bugungi kunda ilm-fan sohasidagi yangiliklarni o‘rganish, amaliyotga tadbiq etish hamda yosh tadqiqotchilarni qo‘llab-quvvatlashga qaratilgan e’tiborning namunasidir.
