TALABALARDA NUTQ USLUBIYATINI SHAKLLANTIRISHNING PEDAGOGIK YONDASHUVLARI
Mualliflar: Botirova Sevara Mamurovna
Annotatsiya mazkur maqola pedagoglarning ta’lim berishda nutqiy-kommunikativ muammolaridan biri bo‘lgan nutq stilistikasini (nutq uslubiyati) qo‘llashdagi muammolarining pedagogik yechimlarini ishlab chiqishga va faol qo‘llanuvchi dars metodikalari orqali nutqiy uslublarni ta’limning oliy ta’lim bosqichida tahsil oluvchilar va professor-o‘qituvchilar uchun ko‘rib chiqishga qaratilgan. Ushbu tadqiqot davomida tadqiqot maqsadiga erishishda kerakli bo‘lgan interfaol va innovatsion dars texnikalaridan (rolli o‘yinlar, sinkveyn, guruhli debat) foydalanilgan. Mavzu pedagogik nutqni ifodalashdagi muammolar yuzasidan tadqiqot olib borishi bilan ham dolzarb ahamiyatga ega. Tadqiqot natijalari oliy ta’lim muassasalarida ijtimoiy fanlarning universal bilimlarni o‘rgatishga eng mos keluvchi ekanligidan kelib chiqib, tarix, adabiyot va falsafa fanlariga ko‘proq e’tibor qaratilganda yuqori samaradorlikka erishilishi mumkinligini ko‘rsatdi hamda nutqiy uslubiyatning shakllanishida innovatsion dars metodikalari bilan bir qatorda o‘quvchilarning kognitiv qobiliyatlarini rivojlantiruvchi xilma-xil nutqiy uslubda yozilgan matnlar bilan ishlash orqali og‘zaki va yozma nutqni rivojlantirishning zarurligini ko‘rsatdi. Xulosa sifatida tadqiqot nutqni ifodalashdagi muammolarning sabablarini va ularni barataraf etuvchi choralar yuzasidan tavsiyalarni pedagogik jarayonlarga joriy etish yuzasidan takliflarni taqdim etadi. Kalit so'zlar: nutqiy uslublar, interfaol metodlar, kommunikativlik, rolli o‘yinlar, og‘zaki nutq, intellektuallik, ilmiy nutq uslubi, publitsistik uslub, so‘zlashuv uslubi.