ERASMUS+ DASTURI VOSITASIDA TALABA-YOSHLARDA MADANIYATLARARO KOMPETENTLIKNI RIVOJLANTIRISHNING PEDAGOGIK IMKONIYATLARI
Mualliflar:
Annotatsiya Mazkur maqolada globallashuv, xalqaro akademik mobillik va oliy ta’limning baynalmilallashuvi sharoitida talaba-yoshlarda madaniyatlararo kompetentlikni rivojlantirishning pedagogik imkoniyatlari Erasmus+ dasturi misolida tahlil qilingan. Tadqiqotda Erasmus+ dasturining oliy ta’limdagi akademik mobillik, xalqaro hamkorlik, talabalararo muloqot, xorijiy ta’lim muhitida tajriba orttirish, qo‘shma loyihalar va raqamli hamkorlik kabi imkoniyatlari madaniyatlararo kompetentlikning kognitiv, affektiv va xulq-atvor komponentlari bilan bog‘liq holda yoritilgan. Shuningdek, talabaning boshqa madaniyat vakillari bilan bevosita muloqoti o‘zga madaniyatni anglash, stereotiplarni qayta ko‘rib chiqish, empatiya, tolerantlik, madaniyatlararo muloqot va moslashuvchan xulq-atvorni shakllantirish uchun pedagogik sharoit yaratishi asoslangan. Maqolada Erasmus+ imkoniyatlaridan samarali foydalanish uchun “mobillikdan oldingi tayyorgarlik – xalqaro ta’limiy tajriba – refleksiv tahlil – mobillikdan keyingi integratsiya” modeli taklif etilgan. Tadqiqot natijalari oliy ta’lim muassasalarida xalqaro mobillik dasturlarini madaniyatlararo kompetentlikni rivojlantirishning tizimli pedagogik mexanizmiga aylantirish imkoniyatlarini ko‘rsatadi. Kalit so'zlar: Erasmus+, talaba-yoshlar, madaniyatlararo kompetentlik, madaniyatlararo muloqot, akademik mobillik, xalqaro ta’lim, tolerantlik, empatiya, refleksiya, xalqaro hamkorlik, pedagogik imkoniyat.