SPORTDA KOMPLEKS MONITORING KONSEPSIYASI: INDIKATORLAR, TESTLAR VA BAHOLASH MEZONLARI
Mualliflar: I.A.Tursunaliyev
Annotatsiya Mazkur maqolada sportda kompleks monitoring konsepsiyasining nazariy va metodologik asoslari tizimli ravishda tahlil etilgan. Mashg‘ulot va musobaqa faoliyatini samarali boshqarishda monitoringning o‘rni, uning bosqichli, joriy hamda operatsion turlari, shuningdek, pedagogik, tibbiy-biologik va psixologik nazorat komponentlarining o‘zaro integratsiyasi keng yoritilgan. Kompleks monitoring sportchi holatining dinamikasini, maxsus test natijalarini, sport mahorati ko‘rsatkichlarini hamda mashg‘ulot yuklamalari nisbatini ob’ektiv baholashga xizmat qilishi ilmiy jihatdan asoslangan. Shu bilan birga, indikatorlarni tanlash mezonlari, testlar tizimi va baholash tamoyillari sport turi, yosh, malaka darajasi hamda tayyorgarlik bosqichi xususiyatlarini hisobga olgan holda bayon etilgan. Tadqiqot natijalari kompleks monitoring ma’lumotlaridan mashg‘ulot yuklamalarini individuallashtirish, tiklanish jarayonlarini maqsadli boshqarish, sport formasini nazorat qilish va musobaqa samaradorligini oshirishda samarali foydalanish mumkinligini ko‘rsatadi. Kalit so'zlar: kompleks monitoring, sport nazorati, indikatorlar, testlar, baholash mezonlari, mashg‘ulot yuklamasi, tiklanish, pedagogik nazorat, sport formasi, joriy nazorat.