YUQORI MALAKALI SPORTCHI QIZLARNING JISMONIY TAYYORLIGINI TAKOMILLASHTIRISH VA PSIXOLOGIK ASOSLASH
Mualliflar: Nodirov Bekzod Holiqjon o‘g‘li
Annotatsiya Mazkur tadqiqot O‘zbekistonda xotin-qizlar sportini rivojlantirish, sportchilar tayyorlash tizimini takomillashtirish hamda gender tengligi tamoyillarini sport sohasida amaliyotga joriy etish sharoitida malakali sportchi qizlarning umumiy jismoniy tayyorgarlik holatini aniqlashga qaratilgan. Tadqiqotda 40 nafar malakali sportchi qizlar, jumladan 20 nafar futbolchi va 20 nafar gandbolchi qizlar ishtirok etdi. Ishtirokchilar tajriba va nazorat guruhlariga ajratildi. Sportchi qizlarning umumiy jismoniy tayyorgarlik darajasi tezkorlik, yuqori va pastki tana mushaklarining portlovchi kuchi hamda koordinatsiya sifatlarini tavsiflovchi nazorat mashqlari orqali baholandi. Olingan natijalar matematik-statistik usullar, xususan Student t-mezoni yordamida tahlil qilindi. Kalit so'zlar: sportchi qizlar, umumiy jismoniy tayyorgarlik, tezkorlik, portlovchi kuch, nazorat mashqlari, pedagogik tajriba, matematik-statistik tahlil, gender tengligi.