OʻZBEKISTONDA UMUMIY OʻRTA TAʼLIMNING UZLUKSIZLIGI VA UZVIYLIGINI TAKOMILLASHTIRISH MASALALARI: TAʼLIM BOSQICHLARI OʻRTASIDAGI BOGʻLIQLIK, QABUL IMTIHONI VA OʻQUV YILI TAQVIMI
Mualliflar:
Annotatsiya Maqolada Oʻzbekiston umumiy oʻrta taʼlim tizimida bosqichlar oʻrtasidagi uzluksizlik va uzviylikni taʼminlash bilan bogʻliq uchta masala tahlil qilinadi: maktabgacha taʼlimdan boshlangʻich maktabga oʻtishdagi mazmun takrorlanishi, oliy taʼlimga qabul imtihonining maktab dasturi bilan bogʻliqligi hamda oʻquv yili taqvimining iqlim va energetika sharoitiga mosligi. Xalqaro ta’lim tasnifi standarti (XTTS) ramkasiga tayanib, maktabgacha taʼlim va 1-sinf oʻrtasida yagona kompetentsiyalar xaritasini joriy etish, tayyor bolalar uchun mustaqil baholash asosida tezlashtirilgan oʻtish imkoniyatini sinab koʻrish taklif qilinadi. Qabul imtihoni uchun savollar sonini koʻpaytirish oʻrniga 102 topshiriqli, toʻrt soatga sigʻadigan ikki bosqichli kompyuterlashtirilgan adaptiv test modeli asoslanadi. Oʻquv yilini saqlagan holda yozgi taʼtilni ikki oyga qisqartirish va dekabr–fevral oylarida ikki oylik qishki taʼtil joriy etish gʻoyasi Evropaning 44 taʼlim tizimi taqvimlari, oʻquv yoʻqotishlari boʻyicha tadqiqotlar va Jahon bankining energiya isteʼmoli maʼlumotlari bilan solishtiriladi. Ikkala islohot ham milliy miqyosda darhol emas, aniq natija koʻrsatkichlari bilan oʻlchanadigan pilot tariqasida joriy etilishi lozimligi xulosa qilinadi. Kalit so'zlar: uzluksiz taʼlim, uzviylik, XTTS, maktabgacha taʼlim, qabul imtihoni, adaptiv test, oʻquv yili taqvimi, taʼtillar, energiya tejamkorligi, pilot