SIROJIDDIN SAYYID DOSTONLARINING G‘OYAVIY-POETIK XUSUSIYATLARI
Mualliflar:
Annotatsiya Ushbu maqolada Sirojiddin Sayyid dostonlarida liro-epik tasvirning o‘ziga xos xususiyatlari chuqur tahlil qilinadi. Yozuvchining ijodi o‘ziga xos lirik ruhiyat va epik ko‘lamni birlashtirgan holda, o‘zbek adabiyotida noyob badiiy yondashuvni shakllantirgan. Sayyidning dostonlarida milliy qadriyatlar va insoniy tuyg‘ular uyg‘un tarzda tasvirlanadi, bunda lirik qahramonlarning ichki dunyosi epik voqealar zanjiri bilan bog‘lanib, ularning his-tuyg‘ulari, maqsadlari va kurashlari teran tasvirlanadi. Maqolada Sirojiddin Sayyid dostonlaridagi obraz yaratish usullari, syujet rivoji, lirik chiziqning epik tasvirlar bilan uyg‘unligi hamda dostonlardagi badiiy vositalarning milliy va umuminsoniy qadriyatlarni ifoda etishdagi o‘rni o‘rganiladi. Dostonlarda xalqona ruh, lirik qahramonlarning individual kechinmalari va epik qahramonlarning ijtimoiy kurashi o‘zaro birlashib, adabiy-estetik badiiy mazmun yaratadi. Ushbu liro-epik asarlarda shaxsiy va umumiy qiziqishlarning to‘qnashuvi, vatanparvarlik, mehnatsevarlik, sevgi, sadoqat, vafo kabi mavzular teran ifodalanib, o‘zbek adabiyoti uchun noyob yondashuv namoyon etiladi. Kalit so'zlar: liro-epik tasvir, dostonlar, milliy qadriyatlar, lirik qahramon, epik syujet, badiiy uslub, poetik uyg‘unlik, sevgi va kurash.